吳孟達曾經講過，呢一世人，最憎嘅係周潤發，點解呢？
話說達哥同發哥都係73年入無綫藝員訓練班，大家係同學仔，亦係好朋友，成日一起飲酒，互相切磋演技。
79年，達哥演出《楚留香》，憑胡鐵花一角彈起，人紅咗開始迷失自己，唔只飲酒玩女人，仲豪賭成性，80年，達哥爭人30萬賭債，日日俾人追數。
走投無路，達哥諗起老友發哥，走去佢屋企問佢借錢還債，點知發哥唔肯借，仲話：「你自己解決！」就係咁，達哥自此就好憎發哥，冇再同佢聯絡。
欠賭債30萬，無戲接，達哥曾經諗過自殺，不過，後來佢修心養性，鑽研演技，踏實拍劇，81年，參演咗生平第一部電影《執法者》。
90年，有導演邀請佢拍電影《天若有情》，結果，票房大收，達哥仲獲得香港金像獎「最佳男配角獎」，令佢走出谷底，還清所有債務。
達哥得獎當晚，都喺現場嘅發哥走去恭賀佢，但當時佢仲係好憎發哥嘅關係，
對佢視而不見。
當時有人見到呢個情景，就同達哥講係發哥大力推薦佢俾導演用，佢先拍到套戲，所以，佢要感謝嘅人，應該係發哥。
達哥聽到後，即場喊住咁抱住發哥，搞到發哥好激動，仲話：「如果當時借錢俾你，就係害咗你，因為你唔會戒賭，唔會企番起身。」
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|