掃呢頁CODE去手機

2018年12月14日 星期五

【億億聲新抱】95年港姐亞軍李嘉慧都係美魔女 同馬德鐘攬住拍濕身廣告最經典 __,李嘉慧,港姐,馬德鐘,

1995年港姐亞軍李嘉慧,2005年嫁人後幾乎絕跡幕前,平均幾年先會出席一次半次慈善活動。《壹》仔日前好好彩喺街遇見佢,已經43歲仍然係model身材 ...




1995年港姐亞軍李嘉慧,2005年嫁人後幾乎絕跡幕前,平均幾年先會出席一次半次慈善活動。《壹》仔日前好好彩喺街遇見佢,已經43歲仍然係model身材,睇落無多餘贅肉,就算化淡妝都唔見有老態,又係美魔女一名。

性格相對內向嘅李嘉慧,當選港姐亞軍之後無加入無綫,反而憑5尺10寸高入行做model,最經典作品莫過於同馬德鐘一齊拍修身廣告,著上三點式性感泳衣,大晒修長窈窕好身段。李嘉慧拍完廣告翌年就傳出婚訊,嫁俾馬來西亞金融才俊,從此索性退出幕前,並連生三個女。據聞李嘉慧唔只樣靚身材正,腳頭仲好好,入門後夫家生意愈做愈旺兼上埋市,市值一度高見半百億。

身為億億聲新抱,李嘉慧平時有咩do?斷估都係相夫教女、shopping、high tea啩,但佢呢日去咗睇醫生。近日天氣突然轉涼,出街都係著多件衫穩陣啲。

鍾意就快D Share啦!