掃呢頁CODE去手機

2018年12月14日 星期五

戀Andi被質疑信Love Wins __,

卓林與Andi愛得癡纏,兩人更打算若將來經濟許可會領養小朋友。
卓林與太太Andi愛得癡纏,或許是兩人相似的成長經歷,令彼此成為soulmate。卓林從小在缺乏愛的環境下成長,即使婚姻不被看好,但她仍相信「Love ...


卓林與太太Andi愛得癡纏,或許是兩人相似的成長經歷,令彼此成為soulmate。卓林從小在缺乏愛的環境下成長,即使婚姻不被看好,但她仍相信「Love wins」︰「我好明白大家睇法,19歲,你唔識諗,你衝動結婚,你唔清楚自己做緊乜,幾年後你哋就散㗎喇!No way,我知道自己做緊乜,佢好完美!」

最重要是Andi令卓林重新相信愛,卓林說︰「以前有段時間會同自己講『呢個世界已經冇愛,因為你嘅出生同身份,令你永遠孤獨,冇人會同你真誠相處。』成長環境令我好痛苦、好脆弱亦情緒化。但佢嘅真誠令我覺得安全,同佢一齊我可以做番自己,佢好明白我。」

相關新聞:遺傳情緒問題唔怪吳綺莉



打算領養小朋友

卓林與Andi在一個生日聚會認識,那時Andi剛來港定居,被邀出席聚會,第一眼已被卓林深深吸引,Andi說︰「我不認識壽星,而且我很怕醜,覺得不自在想走,但被她那雙充滿故事的眼睛吸引。」

遇到惺惺相惜的伴侶,本來是幸福的,可惜卓林背負「成龍女兒」的身份,令簡單的愛情故事變成大眾茶餘飯後的話題,不少人質疑Andi為了金錢接觸卓林。其實Andi原是幼稚園教師,但因為卓林而被迫放棄工作。

不過愛情轟烈也要講麵包,現在卓林與Andi目標一致,要開創作公司建立一番事業。卓林說︰「係Instagram cooperation或者by project嗰啲嘢,我唔想自己喺屋企做project,佢出去打工,我想大家合作,我哋嘅藝術代表咗我哋嘅愛,我同佢都係有創意嘅人,想創作藝術。」

將來如果有經濟條件,她們更打算領養小朋友,卓林說︰「Andi照顧小朋友一流,以前覺得小朋友麻煩,但見過佢同小朋友溝通,令我對小朋友有新睇法。太多小朋友需要愛同家庭,我唔會自私咁因為單純想要個迷你版而生育。」




鍾意就快D Share啦!