掃呢頁CODE去手機

2018年12月29日 星期六

【有片】方媛陀B好腳頭!城城愛駒跳住舞跑第1! __,城城,方媛,郭富城,

天王郭富城愛駒「舞士精神」,今日第一次出賽呀!未開賽前,呢隻人氣王已經係全城熱話,相當受歡迎,咁梗係喇,城城事隔數年後再做馬主,而且呢匹三歲仔之前試閘 ...




天王郭富城愛駒「舞士精神」,今日第一次出賽呀!未開賽前,呢隻人氣王已經係全城熱話,相當受歡迎,咁梗係喇,城城事隔數年後再做馬主,而且呢匹三歲仔之前試閘仲跑第一,有晒支持,所以一路都係大熱門最多人買!

開跑喇!「舞士精神」今場由冠軍騎師潘頓出戰四班一千米最短途,沿途前速飛快,雖然佢好似舞王城城咁跳住舞左閃右閃好稚嫩,但結果亦能順利以第一名身份過終點,仲叻到2.6倍大熱門贏,馬主城堅係風騷到爆,佢拖住老婆方媛即時殺入凱旋門,在場攝記鬥爭位、猛咁影住佢,仲影到城城笑到八萬咁口呀!呢場四班賽頭馬獎金係52萬,城城佔七成即係有近36萬,第一次出賽已經收返咁多錢,爽呀!仲有噃,城城剛剛先公布再添丁,今日2018年最後一次跑馬日即刻拉頭馬,BB好腳頭呀,個個都讚佢乖喇!

事隔最不多五年再拉馬的郭富城,賽後話作為馬主養馬都係想隻馬不斷進步,希望佢學多啲經驗,當然賽前都同練馬師商量過,覺得佢狀態幾好先畀佢出。但自己都係保持平常心,因為今場嘅對手有唔少質新份子,亦有好多係跑過嘅馬,今日都好幸運,隻馬亦好叻仔,贏到呢場賽事,多謝大家支持「舞士精神」。至於自己有冇下注?佢話冇重注呀,只買咗幾千蚊例飛,即係收返萬零蚊咋,因為同場有唔少馬都犀利,形勢都幾複雜。贏馬未諗點慶祝,今晚要去紹興,後日開演唱會。


來源 source: http://hk.on.cc
鍾意就快D Share啦!