2018年12月4日 星期二

傳誕B後首現身栢芝湊細仔遊艇會玩 飽滿又靚咗 __,張栢芝,

栢芝(右)前日在遊艇會遇到飲食作家Bonnie,相中栢芝面頰飽滿了不少,一副幸福靚媽的模樣。互聯網圖片
栢芝(右)前日在遊艇會遇到飲食作家Bonnie,相中栢芝面頰飽滿了不少,一副幸福靚媽的模樣。互聯網圖片張栢芝日前傳出在養和生下第三胎,為新加坡富豪秘密 ...


張栢芝日前傳出在養和生下第三胎,為新加坡富豪秘密產子,一直沒有露面的栢芝,前晚在社交網有新相曝光,原來前日栢芝湊住8歲細仔謝振南(Quintus)到遊艇會遊玩見好友。照片中,栢芝雖然戴上墨鏡兼穿得密實,但仍見到她的面頰比以前飽滿,十足十是一名開心的靚媽媽。

相關新聞:【最強基因】最Chok Quintus似霆鋒

現年38歲的張栢芝,11年跟謝霆鋒離婚後,全力照顧謝振軒(Lucas)和細仔謝振南(Quintus),出名愛錫兒子的栢芝,經常在社交網貼出母子生活照。不過,近日栢芝卻一反常態,將Ig及微博內的貼文全部刪除,甚至連相隔十年再拍內地劇於今年5月播出,她亦極少參與宣傳。

神隱半年的張栢芝,近日被傳在養和秘密產子,有指BB的父親是年約60歲的新加坡富豪,栢芝一直未有回應,加上栢芝媽上星期於養和現身,見到傳媒更神色慌張,自稱到養和睇醫生的她,與平日大方讓記者影相的態度迥異,令栢芝生仔傳聞更如幻似真。



Bonnie上載與栢芝細仔Quintus合照,現年八歲的Quintus高大了不少。互聯網圖片 Bonnie上載與栢芝細仔Quintus合照,現年八歲的Quintus高大了不少。互聯網圖片
栢芝媽上星期現身養和時,慌張回應記者問題,令栢芝產子傳聞更如幻似真。資料圖片

栢芝媽上星期現身養和時,慌張回應記者問題,令栢芝產子傳聞更如幻似真。資料圖片
栢芝今年5月在內地出席活動時,已穿上鬆身裙。微博圖片

栢芝今年5月在內地出席活動時,已穿上鬆身裙。微博圖片

包到上頸

前晚飲食作家Bonnie在社交網大晒與栢芝的最新合照,相中的栢芝戴上墨鏡,身穿紅色衫的她包到上頸,完全防風,不過都可以見到她面頰明顯比以前飽滿,栢芝面對鏡頭,更舉起V字手勢,心情靚爆。原來栢芝細仔Quintus都有在場,Bonnie同時上載跟Quintus合照,並留言說:「今日小朋友遊樂日又撞到好姊妹Ceci,Quintus越來越高大靚仔呀!」

相關新聞:【至愛BB】陳茵媺湊仔為樂



《蘋果》致電Bonnie查詢栢芝近況,Bonnie表示:「今日大家去深灣遊艇會湊小朋友時撞到,佢同細仔一齊過咗嚟,佢話大仔喺屋企玩電腦。」對於栢芝生了第三胎的傳聞,Bonnie說:「其實我真係唔知,不過見到佢今日狀態,我認為佢唔係啱啱生完小朋友,因為冇理由咁快出門吹風。」



原來,Bonnie與栢芝相識逾十年,因為大家都有小朋友,近四、五年更經常相約一齊分享湊仔經。問到Bonnie對上一次見栢芝是何時?Bonnie說:「有一段時間冇見,差唔多半年。」對於有傳栢芝近半年「潛水」秘密產子,她表示不認同,而記者指相片中的栢芝飽滿了不少時,Bonnie則表示:「佢件衫鬆身箒,佢話最近喺內地返嚟湊小朋友,我仲問佢有冇滑水?佢話上年整傷十字韌帶,冇滑一段時間。」那麼Bonnie有否見過栢芝男友?Bonnie否認,她說:「以我所識嘅佢,一直好專注小朋友同屋企,佢好努力賺錢都係為咗小朋友,從來冇聽過佢拍拖。」



謝霆鋒連日來身在台北,與張鈞甯一起為《鋒味》拍外景。資料圖片

謝霆鋒連日來身在台北,與張鈞甯一起為《鋒味》拍外景。資料圖片
霆鋒與栢芝(右二)婚後誕下兩名兒子,奶奶狄波拉更出名錫孫,可惜兩夫婦於11年離婚。資料圖片

霆鋒與栢芝(右二)婚後誕下兩名兒子,奶奶狄波拉更出名錫孫,可惜兩夫婦於11年離婚。資料圖片

霆鋒留台

栢芝湊細仔去遊艇會玩,而前夫謝霆鋒連日來則身在台北,為主持的美食節目《鋒味》拍外景。大前晚他和台灣女星張鈞甯在北投喝特式飲料,前日兩人則現身五股黃昏市場買餸,昨日霆鋒又到了港人愛去的上引水產食海鮮。

採訪:皓騫




鍾意就快D Share啦!
Related Posts Plugin for WordPress, Blogger...