咦⋯⋯咦？睇下栢芝條腿咁纖瘦，點睇都唔似啱啱生完。不過一個轉身，個肚就呃唔到人
琴日一早，啱啱生完第三胎嘅栢芝精神奕奕化行妝咁，湊住兩個仔Lucas 同Quintus 現身機場。同行仲有栢芝嘅細佬張豪龍一家三囗。兩家人趁住聖誕前夕，飛去新加坡玩返幾日。
啱啱先坐完月，栢芝唔怕吹風，牛仔熱褲上陣，晒一晒佢條靚腿。對腳就冇水腫，不過個肚就⋯⋯條腰仲明顯粗晒添呀！著住件鬆身風䄛都遮唔住喇！
埋到去Check in counter，全部都要勞動栢芝一個人打點，咁其他人呢？原來都好忙架！因為要幫栢芝影靚相吖嘛！
睇下豪龍個老婆就全程拎住部電話，直擊住栢芝嘅check in 情況。一部機唔夠！仲要叫埋工人姐姐由另一個角度影，唔通要send 返菲律賓俾啲同鄕睇？Check 完 in ，大隊準備入閘，沿路姐姐都冇甩相架！追住繼續影。仲落力過《壹仔》咁喎，今次阿mum 一定加你人工喇！
講返栢芝其實都38歲，算高齡產婦，不過啱啱先生完，狀態都算幾好架！呢日化咗少少，除咗副超，一樣咁省鏡。至於啱啱做咗人阿哥嘅Lucas 同Quintus ，就大個仔咗好多喇！見Lucas 全程跳跳紥，未出發，先興奮喎！
上個月底，栢芝被踢爆秘密生B，直至早幾日透過工作室證實喜訊。不過B仔嘅生父到而家都仲係一個謎，有傳係新加坡富商，又有傳係大居多陸富商孫東海，但栢芝就通通否認喇！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
