掃呢頁CODE去手機

2018年12月8日 星期六

新聞之花:【翻版千雪BB】新聞小花黎在山靠靚樣彈出 __,朱千雪,

無綫新聞小花再添一名新血!無綫新聞台孕育咗唔少靚女主播,個個形象專業之餘仲非常上鏡。例如梁凱寧(Maggie)、陳嘉倩等。不過最近有位新面孔突圍而出, ...


無綫新聞小花再添一名新血!


無綫新聞台孕育咗唔少靚女主播,個個形象專業之餘仲非常上鏡。例如梁凱寧(Maggie)、陳嘉倩等。不過最近有位新面孔突圍而出,一副甜美笑容、180cm索爆身材加上無敵長腿,呢位就係黎在山(Alpha)!

身為「科大之花」嘅Alpha畢業後加入樂基兒旗下嘅模特兒公司,其後轉戰新聞界,由今年11月開始喺無綫做新聞主播,現時主要喺無綫新聞台晚間時段出現,亦會喺財經資訊台亮相。點解佢咁快就吸引到觀眾?皆因佢同小花江嘉敏、朱千雪都有幾分相似,有專業形象加持,仲有充滿親和力嘅笑容,外形相當討好。

無綫多靚女小花就大家都知,不過無綫嘅一班新聞主播一樣好有潛力!樣貌端莊,咬字、發音要清晰,把聲又要夠好聽,真係睇新聞都睇得特別賞心悅目。除咗「新股」黎在山之外,仲有幾個新紮新聞小花都不容忽視,分別係乖乖女賴凱靖、清純可人嘅李慧怡、鞠頴怡同周可茵,睇嚟要成為最紅嘅人氣主播,必然有一番龍爭虎鬥!


來源 source: http://hk.on.cc
鍾意就快D Share啦!