掃呢頁CODE去手機

2018年12月1日 星期六

【吳業坤連環撩女】叫家燕姐外母 揩田蕊妮油 食馬海倫鮑魚 __,吳業坤,家燕姐,田蕊妮,薛家燕,馬海倫,

吳業坤外形雖然有幾分毒男味道,但有名你叫偽毒坤,所以佢社交技巧其實極為高超,特別係用喺撩女仔呢方面。吳業坤喺節目《女十四十》入面不停撩田蕊妮,帶阿田出 ...




吳業坤外形雖然有幾分毒男味道,但有名你叫偽毒坤,所以佢社交技巧其實極為高超,特別係用喺撩女仔呢方面。

吳業坤喺節目《女十四十》入面不停撩田蕊妮,帶阿田出海玩Wakesurfing都要口花花講:「一段感情要經歷下風浪」、「跟你墮入愛海」。之後轉戰主題樂園玩機動遊戲又話「願意喺你身上使錢」、「知道你喺我身邊好安心」,搞到阿田都爆咗句:「佢開始識得食我豆腐。」老婆俾人食豆腐,杜汶澤雖然無指名道姓,但佢facebook post:「都係時候返道場練下功,唔想對唔住自己條黑帶。」可能係針對偽毒坤(曲,其實係陶君行同劉細良,除非唔係)。

轉個頭到馬海倫生日,偽毒坤買個蛋糕同Helen姐補祝再喺IG出post。本來好正常一件事,但佢都要留低一句「食咗佢隻鮑魚」,兼hashtag「很多酒等到老特別香」。雖然Helen姐唔會嬲,亦明白純粹搞笑,但下下都抽水over咗少少喎。

除咗Helen姐,偽毒坤連家燕姐都唔放過,不停公開叫人做外母。是咁的,家燕姐透過同事whatsapp偽毒坤,多謝佢幫忙。不過,偽毒坤就cap低對話截圖擺上網兼留言:「(同家燕姐個女)一齊唔到。」家燕姐見到留言後回覆:「哎呀!就係想試下你對我/我個女有幾認真!哈哈哈,算你啦。」家燕姐咁樣一回應,偽毒坤就有如滔滔江水一發不可收拾,直接叫對方做外母,仲tag埋人哋個女:「珊珊,聽到外母講咩啦?」珊珊唯有直言:「你出名花心,我要考慮一下。」點知偽毒坤面皮成寸厚:「If the girl were you.」好彩家燕姐母女無再理佢,如果唔係佢真係唔識收,隨時「外母」叫唔停。

開下玩笑無問題,但小心過猶不及呀。

鍾意就快D Share啦!