2018年12月21日 星期五

【阿嬌結婚】阿嬌蹺住楊受成入場 換透視婚紗講愛的宣言 __,楊受成,鍾欣潼,阿嬌,

(ig圖片)
【新增內容】相關新聞:【阿嬌結婚】近10萬元結婚蛋糕曝光容祖兒蔡卓妍玩自轉鍾欣潼(阿嬌)同「醫界王陽明」賴弘國(Michael)今日喺九龍一間酒店擺喜 ...


【新增內容】

相關新聞:【阿嬌結婚】近10萬元結婚蛋糕曝光 容祖兒蔡卓妍玩自轉



鍾欣潼(阿嬌)同「醫界王陽明」賴弘國(Michael)今日喺九龍一間酒店擺喜酒,鄭希怡(Yumiko)、容祖兒、蔡卓妍(Sa)做姊妹,李克勤、何超蓮、薛凱琪、譚耀文、汪明荃同羅家英夫婦、蘇永康夫婦、孫耀威同陳美詩夫婦、張智霖同老婆袁詠儀都有到,真係星光熠熠呀!



繼Joey擺咗價值近十萬元嘅結婚蛋糕之後,薛凱琪都有更新ig story,見到阿嬌換咗透視婚紗蹺住英皇老闆楊受成入場,薛凱琪興奮大叫「阿嬌好靚」,沿途同賓客揮手;之後楊生將阿嬌交給Michael,兩人十指緊扣行上台,Michael還細心地幫老婆整理婚紗,十分體貼。另外,鄭紹康都有擺片,見到Michael同阿嬌已經上咗台講愛的宣言。而洪卓立同吳浩康,於10點前離開,兩人表示有工作要先走。

相關新聞:【阿嬌結婚】阿嬌啜爆老公賴弘國 Deep V長裙勁性感



講到阿嬌同老公Michael嘅浪漫水底照,係佢哋早前去墨西哥影嘅,之前阿嬌接受訪問,曾講笑話外國化妝師將佢化成好似一個泰國人一樣,而老公塊臉就好白,令佢覺得好奇怪。



不過,呢輯婚照今晚正式喺婚宴曝光,相片效果不俗,而且相當浪漫,但其實拍攝時有好多驚險位,故最後未完成拍攝就腰斬。阿嬌早前受訪時透露,拍攝地點係當地聞名嘅天然地谷,佢哋喺鐘乳洞內嘅海底拍攝,但佢因為唔熟水性,未落水已經好驚,但拍攝時係冇用氧氣筒,佢哋要潛到深水位置影,全程有人不斷幫手推佢哋落水。



阿嬌話當佢意識到就快要上水吸氣時,突然發覺條裙纏住佢對腳,佢完全踩唔到水,好彩身邊有工作人員將佢推上水面。由於當時水好冷,佢哋來回上水又落水影咗差唔多四個鐘,Michael首先提出想走,於是佢就一齊走,本來仲有兩個景點要影,但最後都係捱唔住,決定腰斬。





精選娛聞,喺晒《娛果》

http://fb.com/appledailyent



(ig圖片) 阿嬌蹺住英皇老闆楊受成入場(ig圖片) 阿嬌蹺住英皇老闆楊受成入場(ig圖片)
入場時,阿嬌不時甜笑(ig圖片)

入場時,阿嬌不時甜笑(ig圖片)
阿嬌同老公喺台上多謝大家(ig圖片)

阿嬌同老公喺台上多謝大家(ig圖片)
婚宴播出之前Pre wedding片段(ig圖片)

婚宴播出之前Pre wedding片段(ig圖片)
阿嬌之前同老公影嘅水底結婚相(ig圖片)

阿嬌之前同老公影嘅水底結婚相(ig圖片)







結婚相好靚(網上圖片)

結婚相好靚(網上圖片)
好浪漫(網上圖片)

好浪漫(網上圖片)








鍾意就快D Share啦!
Related Posts Plugin for WordPress, Blogger...