網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月3日 星期一

否認阿澤破產要幫手還債!田蕊妮:我未至於好到咁… __,杜汶澤,田蕊妮,阿澤,

田蕊妮
否認阿澤破產要幫手還債!田蕊妮:我未至於好到咁…41歲嘅視后田蕊妮近日因主持大台真人騷《女人四十》而人氣急升,阿田在節目中更分享其人生觀,節目播出後唔 ...


否認阿澤破產要幫手還債!田蕊妮:我未至於好到咁…



41歲嘅視后田蕊妮近日因主持大台真人騷《女人四十》而人氣急升,阿田在節目中更分享其人生觀,節目播出後唔少人都讚節目好睇,又引來網友熱烈討論當中話題,就連阿田嘅老公杜汶澤(阿澤)也一起人氣急升,近日更有傳杜汶澤曾經破産,阿田幫手他還債……不過阿田今日就在社交網站留言澄清傳聞!

撰文:東方新地 圖片:田蕊妮ig





田蕊妮 澄清丈夫欠債傳聞

對於有傳阿澤曾破過産,阿田不離不棄更幫忙還債,對此阿田喺Instagram表示:「我真的要澄清是以前的資料有誤……我老公真係冇破過産!至於賭錢都只是他入行前的歷史!我亦沒有幫他還過任何賭債!我承認我是一個好老婆但未至於好到咁!哈哈…呢個光環實在太大,亦對杜先生不太公平吧!最後衷心感謝各傳媒與觀眾們的厚愛。我會繼續努力!因為女人四十才是一個女人的真正開始!」

on



A post shared by (@tinyuilee) on



其實阿澤好錫阿田,剛過去嘅生日,阿澤偷偷約安排咗個4日3夜曼谷之旅做生日禮物氹太太開心,仲要約埋阿田嘅好友同行,真係夠晒驚喜!



A post shared by (@tinyuilee) on





A post shared by (@tinyuilee) on



A post shared by (@tinyuilee) on



田蕊妮 16歲識阿澤

93年田蕊妮獲得亞視節目「末來偶像爭霸戰」金獎而入行,未幾偶遇杜汶澤,當時的阿澤已是爛賭成性,他曾自言:「我18歲已經賭錢,輸到要走路去台灣,之後返嚟香港,入咗亞視做藝員,諗住亞視少人睇,況且冇諗過自己可以紅,點知拍咗《我和殭屍有個約會》多咗人留意,俾貴利佬打去報館追數。」最後他被追債百萬的新聞一度成為當年的娛樂頭條。

200512051731200107176282



杜汶澤 求婚30次

二人的結合,並非想像中的順利,田蕊妮曾指阿澤整天嬉皮笑臉,又將求婚掛在嘴邊,臨瞓前、睡醒、吃飯時、朋友聚會間,總之無時無刻都將求婚二人掛在嘴邊,田蕊妮當時覺得太不靠譜,根本沒放在心上,而且當時年屆27歲的她,覺得女人30歲結婚最適當,還有三年不急吧!也沒有顧着杜汶澤的臉子和士氣,直至第31次求婚…





杜汶澤 探訪災民學懂珍惜

直至有次,杜汶澤去斯里蘭卡探訪災民,過程中令他改變了人生觀。認識到不以消極態度面對災禍,反而可以令自己變得更加積極,要珍惜眼前人。同時,在杜汶澤去斯里蘭卡探訪期間,由於曾有報道指當地會再有餘震,令田蕊妮憂心如焚,更擔心他一去不返,突然好害怕失去他,田蕊妮非常後悔以前他求婚多次都不答應。

最後杜汶澤因為這場災後景象對他震撼太大,而決定再次向田蕊妮求婚,他謂:「當時就覺得,其實人最珍貴的是那些真正對你好的、你愛的人。我突然就很想念田 蕊妮,那一刻,我拿起手機就給她打電話,說了句我們結婚吧!」正因為這場災難,促使兩人結束6年愛情長跑,攜手步入教堂。





一場災難的殘酷令他們學會珍惜眼前人,第31次求婚,一個願打,一個願挨。終於決定拉埋天窗,攜手共渡下半生。



阿田 拒絕當少奶奶

婚後杜汶澤 叫老婆別再捱夜工作,全職做少奶奶,期間 田蕊妮 做過一年電台主持。初時以為會好開心,實情是相反,每天睡醒就約朋友飲茶,飲完茶就打麻雀,打牌打到夜晚又搵人食飯。如是者過了幾個月,慢慢覺得自己好似個廢人,而且她不喜歡收老公家用,但買東西又要向他要錢,就連田蕊妮 的屋企人都變成他的負擔。此刻, 田蕊妮發現她的性格根本不適合做少奶奶,至06年決定加入無綫,創開另一片天!



擊退小三

06年加入無綫,阿田一劇接一劇,自命是工作狂的她曾過了三年她自覺是廢人、別人眼中是少奶奶的生活,不過,安逸的生活沒有為阿田帶來半點快樂,與世界脫節的感覺日漸加深,混雜負面情緒,間接影響夫妻關係,最後小三出現了,她曾謂:「我知道邊個係小三,當時想逃避唔去面對咪繼續去打牌,個人好迷失冇晒重心,唔知點處理夫妻之間嘅關係。」大部分做老婆的,發現小三的存在只有兩個方案,一是離婚一 是扮唔知啞忍,阿田亦有想過離開。或者是上天的安排,她想離開之際阿澤的事業急轉直下,身邊朋友走得就走。



田蕊妮 選擇等

由有錢有名有利變到一無所有,重情重義的杜太竟可將小三問題暫且放埋一邊。「呢樣嘢真係整定,如果嗰時我走咗去真係好冇義氣。最心痛唔係有個女人出現,而係我好明白佢點解會咁,我好重視呢個人好愛佢先嫁俾佢。一個人冇端端由冇人理嘅茄哩啡,努力加埋運氣,名利財富一齊嚟。我知佢仲好愛我,但當時見佢乜都冇晒,咪同自己講等佢好番少少先走。」面對老公出軌,做老婆的不但沒有一走了之,還寬容到諒解身邊人背叛自己的原因。婚姻關係上的衝擊,令阿田阿澤明白到大家所需要的很簡單,彼此能夠手牽手到老已足夠。



患難見真情

後來,在 杜汶澤40歲時被診斷出患上了一種罕見的米勒費雪症候群,嚴重的話會導致四肢癱瘓、甚至窒息致死。由於患上該病, 杜汶澤 急需停止所有工作,被迫留在家中養病。當時在寧波拍戲的 田蕊妮 知道後如五雷轟頂心急如焚,更在微博指:「當你病時,不能在你的身邊照顧你,還反過來要你安慰我!佩服當你遇到逆境時還能如此安然松坦的去面對!在你身上,我學習到很多!你是我心目中的巨人!」期後 田蕊妮 回到香港之後,日日夜夜在醫院照顧杜汶澤 。

杜汶澤亦曾公開表示:「以前誤會以為成功就會得到女人,但原來得到一個好的女人就等如成功。」這就是患難見真情。





修成正果 不無道理

很多人說,兩人相處久了,熱情就會減退。但 杜汶澤 跟 田蕊妮 告訴你:就算日子平淡,只要肯花花心思,感情必定泛起漣漪!在兩人結婚11周年的那天,雖然各自忙於拍劇, 杜汶澤身在美國,但已事先準備好禮物。 田蕊妮 在社交網站貼了一張卡和閃爆鑽戒,表示:「不止一次收到杜先生的禮物,但這是第一次收到他親手寫的卡,信及自家畫emoji。縱然不知道將來的路是怎樣,但我仍然相信是美好的。」兩人結婚多年依舊恩愛,簡直羨煞旁人!

螢幕快照 2016-09-14 下午4.04.05





不止結婚周年,兩人平日亦不時在社交網站放閃,大曬恩愛。



杜汶澤同田蕊妮喺2005年結婚,今年結婚13周年當日,阿澤就喺fb貼出老婆田蕊妮嘅單人相,慶祝佢哋嘅結婚周年,並留言:「今天是我們的結婚周年紀念,曾經有人跟我說,婚姻就是將錯就錯。感謝你這十三年來的將就,祝你健康、快樂!」





相關文章:

要養生?戒夜蒲?細數《女人四十》6大共鳴位!

有言「十八廿二 花樣年華;女人四十則是爛茶渣」,踏入40歲,係咪做咩都已經太遲?前晚首播由田蕊妮(阿田)主持的《女人四十》,找來一班好友們43歲杜如風、43歲車婉婉、41歲谷祖琳、39歲卓韻芝和41歲蔣怡,大談40歲時面對的問題。不少網友都無諗過咁好睇,好多位都好中,好有共鳴,甚至有網友自爆係中佬都有睇。

撰文:TLY(原文:Sunday Kiss) 圖片:《女人四十》mytv



A post shared by (@tinyuilee) on



共鳴位一 女人四十真是老?

社會一直會認為40歲的女人已經步入中後年,女人會隨年齡增長,而自信下降。每當我哋被新認識嘅人,將我哋嘅年齡估成更年輕,心底裡都不禁沾沾自喜,而節目中,阿田問小朋友對她的印象時,小朋友話佢似27歲,佢都超開心!但年齡真係可以定義女人價值嗎?阿田就認為,其實自信係由內去外,你嘅內心強大年輕,年齡都只係數字,一樣可以去學新野,發掘自己未知嘅另一面。

阿田問小朋友對她的印象時,小朋友話佢似27歲,佢都超開心!

童言無忌


共鳴位二

從前嘅興趣改變 不再夜蒲

年輕時,我哋夜夜笙歌,夜蒲、打牌、唱K直落無問題,一到了40歲好像只係鐘意留係屋企,瞓個美容覺。阿田和谷祖琳自稱曾是「夜蒲Queen」,當時生活由晚上11時先會正式開始,但現在再蒲會覺得「覺得很吵,很刺耳,更會見暈」急急腳離開。杜如風更自嘲,宜家落去再蒲自己已經係「Auntie Helen」。

現在再蒲會覺得「覺得很吵,很刺耳,更會見暈」急急腳離開


共鳴位三

唔夠膽著背心短褲 要開始養生

阿田係節目試著上熱褲,就表示下面涼浸浸,提到宜家著衫要諗清楚,覺得著背心、短褲,就好似唔係良家婦女。「有一次問老公杜汶澤,著背心好唔好?,阿澤答我著得舒服就得。」另外節目提到「中女」要養生,阿芝就話「中女會飲暖水,遲啲要飲熱水」。阿田認為除左要保持健康,心態都要保持年輕。

阿田係節目試著上熱褲,就表示下面涼浸浸

上面蒸鬆糕,下面賣涼粉




阿芝就話「中女會飲暖水,遲啲要飲熱水」


共鳴位四

女人四十歲未結婚喺Deadline?

社會不斷進步,但一啲傳統觀念依然好影響女性嘅睇法,女性喺咪要40歲前結婚呢?阿田直言,的確會有人為咗趕死綫而結婚,要結婚好易,要嫁得好就好難。



共鳴位五

有仔趁嫩生?

過咗35歲懷孕嘅婦女就會稱為高齡產婦,認為身體會出現大變化,懷孕機會會下降,風險都會愈大。但阿田為咗推倒說法,連子宮都要出埋鏡!佢去咗婦產科照子官,照完醫生就話佢嘅子宮子齡如14歲,依然合適生小朋友,所以年齡只是數字,身體實際狀況先真實證明到適唔適合生小朋友。

醫生就話阿田嘅子宮子齡如14歲


共鳴位六

女人四十才是真正開始

去到節目尾聲,阿田認為,「40歲好似突然睇野清晰哂,都變得從容不迫」。車婉婉十分認同,以前衝動火爆嘅性格,當發生問題就要立即解決,宜家忍耐力高咗,發生問題時會先退後一步。阿田立即補充:「現在覺得出現問題很正常,無法即時解決嘅野,便等到明天再解決,始終能解決。」

阿田認為,「40歲好似突然睇野清晰哂,都變得從容不迫」


另外,谷祖琳認為放慢腳步,不會逼迫自己太緊,每一日只安排一樣野,以一樣事情為重點。阿田更認為40歲過後,好似重生「一路走來累積到嘅智慧同涵養,我反而覺得件事好美麗。」 女人四十更要有態度!

鍾意就快D Share啦!


Related Posts Plugin for WordPress, Blogger...