掃呢頁CODE去手機

2018年12月29日 星期六

【華仔個唱腰斬】台灣女歌迷紅館門外爆喊 新加坡歌迷:好好照顧自己 __,劉德華,華仔,

來自台灣嘅女歌迷王小姐,喺訪問時忍唔住失望爆喊。(採訪、攝影:曹家誠、畢紹基、吳耀輝)
劉德華宣佈因病要腰斬個唱,紅館外現時仍有不少歌迷留守後門,但只場保安未見有其他工作人員。相關新聞:【Jeana帶母親睇騷撻Q】原本約好聽日睇華仔騷Sa ...


劉德華宣佈因病要腰斬個唱,紅館外現時仍有不少歌迷留守後門,但只場保安未見有其他工作人員。

相關新聞:【Jeana帶母親睇騷撻Q】原本約好聽日睇華仔騷 Sammi打氣:明白你已盡全力



對於劉德華今晚因病而要中途腰斬個唱,相信令好多fans都好失望,有喺現場嘅華仔fans黃小姐就好體諒咁表示:「都有啲失望,不過明白嘅。」



專誠從新加坡嚟香港睇騷、鍾意咗華仔20年嘅男fans就話:「知道他不舒服,他連續開這麼多場,之後也休息過一段日子,我們也擔心他支持不住,希望他好好照顧自己身體。」而佢又指若然華仔決定之後會為今晚而開多一場演唱會的話,佢亦會再飛嚟香港睇。

相關新聞:【個唱腰斬】劉德華叫留飛 後續安排及退票有待宣佈



由新加坡嚟嘅何太,表示會保留演唱會飛作紀念,不會退票:「聽到覺得突然,但理解,會留飛唔會退票,當係紀念。如果華仔再開都會過嚟,呢個決定無可奈可。」



另外操國語的趙小姐,表示專誠由紐約來港:「飛10個鐘過嚟,唔好彩好失望,但見到佢咁辛苦都好理解,唔會退票留嚟做紀念。」佢又表示以600美元買咗580港元門票,下次唔會再嚟。



另外,場外亦有近20多個歌迷,離場後沒有離開,反而喺紅館外,舉住燈牌幫華仔打氣,大叫「華仔加油,我哋支持你!」相信華仔睇到的話,都會覺得感動。



精選娛聞,喺晒《娛果》

http://fb.com/appledailyent



來自台灣嘅女歌迷王小姐,喺訪問時忍唔住失望爆喊。(採訪、攝影:曹家誠、畢紹基、吳耀輝) 雖然失望,但王小姐亦好體諒。 雖然失望,但王小姐亦好體諒。
專誠從新加坡嘅呢個男fans(左一),希望華仔好好照顧身體

專誠從新加坡嘅呢個男fans(左一),希望華仔好好照顧身體
黃小姐就話有啲失望,不過都會明白

黃小姐就話有啲失望,不過都會明白
何太表示不會退票,以作紀念。

何太表示不會退票,以作紀念。
趙小姐由紐約來港,但未能欣賞到演出。

趙小姐由紐約來港,但未能欣賞到演出。
場外有華仔fans大叫「華仔加油!」

場外有華仔fans大叫「華仔加油!」

鍾意就快D Share啦!