掃呢頁CODE去手機

2018年12月5日 星期三

【緋聞不斷】傳陳自瑤心淡搞離婚 王浩信:哈哈 __,王浩信,陳自瑤,

(資料圖片)
唔經唔覺就快又嚟到大台爭視后視帝嘅大日子,上年憑《踩過界》嘅盲人律師成為視帝嘅王浩信,今年以《兄弟》一劇入圍,不過事業一步步走向高峰嘅王浩信,喺感情方 ...


唔經唔覺就快又嚟到大台爭視后視帝嘅大日子,上年憑《踩過界》嘅盲人律師成為視帝嘅王浩信,今年以《兄弟》一劇入圍,不過事業一步步走向高峰嘅王浩信,喺感情方面就屢屢傳出婚變及緋聞,而今日更有報道指老婆陳自瑤已經對雙方嘅婚姻關係死心,正辦理離婚。



王浩信同陳自瑤一個歌手出身,一個拍偶像劇入行,兩人喺千年一遇嘅11年11月11日11時結婚,婚後育有一女靖喬,今年都已經六歲。本來兩人有個浪漫開始,誕下愛情結晶後,男方事業更步步高升,絕對可以話係幸福美滿羨煞旁人。



不過隨住王浩信人氣急升,緋聞不絕,有報道指其實早於婚前兩人亦曾因第三者介入而出現感情問題,不過最終王浩信都回頭抱得美人歸。今日有報道話王浩信自從同江嘉敏傳出緋聞後,已經收歛咗不少,除咗跟伍允龍返教會之外,更向陳自瑤提出接受婚姻輔導,可惜女方深覺感情轉淡已心死無力挽留。



之但係,對於有傳聞指兩人正辦理離婚,王浩信今日回覆傳媒時話:「哈哈,流料,冇回應。」



精選娛聞,喺晒《娛果》

http://fb.com/appledailyent



(資料圖片) 隨住王浩信人氣急升,緋聞不絕。(資料圖片) 隨住王浩信人氣急升,緋聞不絕。(資料圖片)
今日更有報道指老婆陳自瑤已經對雙方嘅婚姻關係死心,正辦理離婚。(資料圖片)

今日更有報道指老婆陳自瑤已經對雙方嘅婚姻關係死心,正辦理離婚。(資料圖片)

鍾意就快D Share啦!