2018年12月18日 星期二

網民:「頒畀少帥仲好!」梁烈唯獲最佳男配角惹民憤 __,梁烈唯,

tungstar6147284-1_20899008765c167c1c7a8ec-1024x683_16454719845c178c74c74b6
網民:「頒畀少帥仲好!」梁烈唯獲最佳男配角惹民憤啱啱星期日舉行嘅《萬千星輝頒獎典禮2018》當中「最佳男配角」由梁烈唯爆冷奪得,不過有唔少網民都估會係 ...


網民:「頒畀少帥仲好!」梁烈唯獲最佳男配角惹民憤



啱啱星期日舉行嘅《萬千星輝頒獎典禮2018》當中「最佳男配角」由梁烈唯爆冷奪得,不過有唔少網民都估會係張彥博或者徐榮拎到,點知最後由唯唯奪得,網民紛紛表示不滿!

撰文:娛聞樂 |圖片:東星 |編輯:東方新地





梁烈唯獲最佳男配角惹民憤

有負皮王之稱嘅梁烈唯憑《是咁的,法官閣下》拎「最佳男配角」,巴打當然就唔滿意先唔講佢本人唔受巴打歡迎外,網民都一致認為其他對手比佢更值得拎獎,好似喺《跳躍生命線》飾演雄哥張彥博同喺《BB來了》飾演葉致遠嘅徐榮等,都係最佳男配角嘅大熱之選!



巴打表示呢套劇佢嘅角色唔太重要,戲份亦唔多,睇唔到佢值得拎獎嘅地方。



巴打都好戥飾演雄姐嘅張彥博唔抵,佢入行多年難得有個角色咁成功入屋,亦係第一次被提名。《跳躍生命線》入面其中一場雄姐殉職更牽起一眾觀眾情緒,拎唔到獎真係好可惜!



巴打話再唔係個獎俾伍允龍仲好,就算都無咩演技,但起碼人地好落力埋身肉搏!



加上佢入行多年,年紀又唔細,同佢同年出道嘅一早就做晒一線男星。巴打唔明無綫捧佢嚟做咩,又指佢外型又唔好,可塑性又低。



「負皮王」有名你叫,網上討論區個post短短幾分鐘就已經負皮連連,睇得出唯唯人緣麻麻地喎!



佢成為「負皮王」係有原因架!因為佢以前多番言論都係「親共」同「擦鞋」,引起巴打不滿!



有巴打就話如果佢唔係擦鞋,可能連二打六都無得做啊!

仲話無綫其實頒比大帥哥入面隻狗仲好!



巴打就話其實呢一個係勵志故事嚟,無綫係想俾大家知道就算幾差嘅人都有機會拎獎,鼓勵大家唔好放棄咁話!



梁烈唯被爆執二攤演律師

《是咁的、法官閣下》首播反應唔錯,劇情貼地講出法律系出身嘅學生,一步步成為社會上嘅律師同大律師都可能只係表面風光,實際未必如普羅大眾所想咁高搵錢力同咁易做!



除咗劇情夠貼地,選角亦同樣有被網民大讚,以香港先生黎振燁為例,高大靚仔唔在講,而且仲勝在夠生面口,成功為觀眾帶嚟新鮮感!



除咗有新人演員黎振燁,劇中仲有大家都非常熟識嘅麥明詩(Louisa)。眾所周知,Louisa本身就讀法律系出身,所以搵番佢嚟扮演律師就話都冇咁啱,一樣咁配合。



42吋胸肌型男點解唔拍?

然而,梁烈唯扮古惑仔就睇得多,但扮演律師呢啲專業人士就未免好多觀眾都睇唔慣!而且,有網友更批評唯唯望落點睇都唔似個做律師嘅人,加上佢喺劇中性格輕佻,難免唯唯就用番一慣演古惑仔嘅套路嚟演出!雖然如此,有傳聞指唯唯本身唔係呢個角色嘅第一人選,反而係呢位大隻型男魏焌皓主演先啱!魏焌皓之前就試過喺《使徒行者2》飾演警察,望落都幾正氣嫁!



A post shared by (@ngainathan) on



A post shared by (@ngainathan) on



可惜,之前有傳魏焌皓因行為不當,疑似鹹豬嘴TVB一名女星,所以4月已經被TVB解約。雖然未知唯唯後來頂上呢件事屬真屬假,但可以肯定嘅係大局已定,大家都係繼續煲劇



A post shared by (@king_fai326) on



A post shared by (@king_fai326) on



萬千星輝頒獎典禮2018最佳悲劇男主角(非戲劇組):洪永城、馬國明

蕭正楠與曹永廉獲得「最受歡迎電視拍檔」,而蕭生更是在得獎感言上直言多謝太太黃翠如,給在場以及觀眾一個大大的驚喜,翠如BB亦深受感動。



而和黃翠如一齊頒獎的洪永城就要站在不遠處聽到這個「喜訊」,還要不停鼓掌給予祝福。每個人心裏面都有對黃翠如和洪永城,見到洪永城像是喝醉酒的狀態,就覺得他很灰、很慘。



不知道洪永城會不會想即場大唱《阿牛》呢?

蕭正楠曹永廉獲獎片段:



除了洪永城,今年的馬國明也是全場最灰的男人,他再次獲得「最受歡迎男角色獎」,再次與視帝無緣,可以第三次獲得這項「安慰獎」,這真的是要「多謝」那些高層。



當馬國明聽到是自己獲獎事,第一個反應就是「又係我攞?」,直到上台發表感言「我都唔知點解攞到依個獎,真係莫名其妙」,究竟是難以置信,還是不想再獲這「安慰獎」呢?



不過從他的得獎感言中,先是暗寸自己沒有代言紙巾,再到他不知道為甚麼取得這個獎,都可以看到其實他內心應該也有火,暗暗表達自己的不滿。已經等了這麼多年,難道還要繼續等下去?



馬國明獲獎片段:



馬國明被網民批串嘴

《萬千星輝頒獎典禮2018》一共頒發16個獎項,而提名「最佳男主角」11年嘅馬國明噚晚又同男主角獎擦身而過,不過公司都頒返個「最受歡迎電視男角色」畀佢。今年馬國年憑《宮心計2之深宮計》任三恕一角而奪獎,但係馬明講得獎感言時就被外界指佢「好串」。

馬國明唔敢相信自己拎獎,繼續天然呆

真係我?


馬國明到台前領獎時,劈頭第一句就話:「唔使畀紙巾我,因為我唔係代言人,我無收到錢。」引來台下觀眾哄動。

然後話:「其實呢,我係Tip黎諾懿嘅,我真係唔知點解今晚會攞獎,真係莫名奇妙啊!同埋首先,我唔係蕭正楠咁已經註咗冊,所以大家唔使咁大反應。真係多謝成個團隊,我真係唔知點解今晚會攞獎,多謝高層,多謝樂小姐,多謝珍姐,多謝Sandy姐,多謝杜生。今晚真係好大嘅surprise,多謝大家。」



其實噚晚藝人一拎獎爆喊時,大會就即刻送上紙巾抹眼淚,紙巾品牌逗留喺畫面2-3秒鐘,真係一睇就知係賣梗廣告。馬明之後接受傳媒訪問就話希望下年有紙巾品牌廣告,咁佢就可以抹下眼淚。

家燕姐拎「萬千光輝演藝人大獎」時流淚,大會即刻送上紙巾


盧婉茵拎專業演員大獎時,紙巾又大派用場

Madam姐都講:「真係人間有情!」然後用紙巾印下眼淚


對於馬國明嘅得獎言論,有唔少網民都覺得佢對於捱咗十幾年都係拎「最受歡迎男角色」而不滿,仲話佢講嘢好串添!大家又點睇先?



最佳男主角 馬德鐘 《跳躍生命線》

「最佳男主角」由50歲、入行25年「馬神」馬德鐘憑《跳躍生命線》麥在田一角奪得,首次封視帝的「馬神」得獎時說:「無諗到,好開心,第一次攞獎,令我感受到咩係吃過苦先知甜嘅美好。多謝TVB,咁多位朋友,多謝珍姐,無你無《跳躍生命線》,你同我講每一句說話我都會記住,以前我年少無知唔知。多謝樂小姐,不停鼓勵我,多謝《跳躍生命線》監製、編審同埋所以前後嘅工作人員。多謝所有幫助過我嘅人,前輩,多謝我屋企人,我相信爸爸喺天上睇到,媽媽喺電視前睇到,多謝仔仔,多謝我老婆,做藝人太太真係唔容易,你照顧得我同家庭好好!」

馬德鐘

馬德鐘憑《跳躍生命線》終於登上視帝,成功擊敗另一大熱《大帥哥》張衞健,而今晚亦未見張衞健出席。

馬德鐘感慨說:冇吃過苦就唔知甜嘅美好!


最佳女主角 李佳芯《BB來了》

《萬千星輝頒獎典禮2018》中,李佳芯(Ali) 憑劇集《BB來了》首奪台慶「最佳女主角」,擊敗陳煒、黃智雯等一眾勁敵,終於一嚐視后滋味!恭喜恭喜!

李佳芯

大家覺得今晚李佳芯個造型如何?

《BB來了》贏盡民心

今年「最佳女主角」競爭激烈,陳煒、黃智雯及李佳芯(Ali) 都被視為大熱,不過頒獎嘉賓歐陽震華最後讀出的三個字係「李佳芯」!Ali今年在大熱劇集《BB來了》中飾演一名新手媽媽,道盡新手媽媽的苦與樂,贏盡民心!

李佳芯

其他視后對手爭相恭喜李佳芯!



當然要多謝《BB來了》好拍檔黎諾懿! 



唔係贏在起跑線

李佳芯2016年時奪得無綫「飛躍進步女藝員」後,去年又勇奪「新加坡視后」,今年終於一嚐台慶視后滋味!Ali在台上多謝公司高層、多謝劇中幾位「允豬」小演員;之後感慨表示自己「唔係贏在起跑線,我係一舊飯,都係靠自己」



Ali又多謝家人,媽媽、爸爸同哥哥:「最感恩佢哋見證住我事業最高峰時刻!」



最佳男配角 梁烈唯

39歲梁烈唯入行14年,今年憑台慶劇《是咁的,法官閣下》新晉律師趙金水一角最次奪得最佳男配角。

梁烈唯多謝TVB栽培自己14年,回憶好多年前嘅失意,想放棄嘅時候有好多同事支持佢。同時,唯唯都多謝老婆同囡囡:「I love you,無咗你喺我身邊支持我,提醒我,我唔會再有呢個機會企喺呢個台上面。」

近年對唯唯來說是入行以來最難捱的日子,他因為言論頻得罪網友,又傳他工作態度欠佳,令事業停滯不前!


最佳女配角「大小姐」林淑敏

在處境劇《愛·回家之開心速遞》中飾演龍力蓮(大小姐)的林淑敏,唔少觀眾都覺得佢演出得好好,今晚大小姐呢個角色也為佢帶來最佳女配角的殊榮,絕對實至名歸!

「愛回家之開心速遞」入面飾演潑辣大小姐嘅42歲林淑敏奪得最佳女配角獎項,她去年已經是「最佳女配角」的大熱人選,可惜最後輸給爆冷的朱晨麗,今年終於眾望所歸成功得獎喇!


林淑敏回憶八年前患乳癌時嘅經歷,多謝珍姐畀機會佢繼續開工,同時亦多謝「愛回家」製作團隊寫咗一個咁好嘅角色畀佢!

林淑敏在2010年患上乳癌,經歷過多次化療同手術切除腫瘤後,終抗癌成功!



最佳劇集 《跳躍生命線》

由馬德鐘、何廣沛及劉佩玥等主演的劇集《跳躍生命線》播出時成為全城熱話,於「萬千星輝頒獎典禮2018」獲頒最佳劇集,成為是晚終極大嬴家,宣布賽果一刻全場歡呼!《跳》劇台前幕後齊齊上台領奬,劉佩玥更哭成淚人,監製方駿釗公開多謝一眾高層後,從袋中取出貓紙:「要多謝嘅人太多,我寫低咗,唔該 Close Up大家睇」

《跳躍生命線》係TVB首次以救護員做題材的劇集,播出以來深受觀眾喜愛,全劇平均總收視29.3點,成為「2018年最高收視劇集」,贏盡收視與口碑。而男主角馬德鐘亦贏得「最佳男主角」,實在眾望所歸!



最受歡迎電視女角色 《深宮計》太平公主(陳煒飾)

陳煒憑《宮心計2深宮計》「太平公主」一角奪得《萬千星輝頒獎典禮2018》最受歡迎電視女角色!

煒哥得獎後激動爆喊,她感激TVB在自己人生的最低谷時簽了自己,「好多人都淨係知道我識做戲,唔知道我識煮嘢,喺煒哥的廚房(《煒哥的味道》)令我入屋!」煒哥又感激在《深宮計》中首次合作的監製梅小青,她說「太平公主」的對白好難背,這次演出是好大的挑戰,直言:「我背得對白好辛苦。」

陳煒得獎後表現激動,更忍唔住爆喊。


最受歡迎電視拍檔  曹永廉 、蕭正楠

今年處境劇《愛.回家之開心速遞》在十個提名中更有兩對劇中拍檔入圍,包括「KC & Terry」及「大小姐 & 送水輝」,但最終被曹永廉 、蕭正楠擊敗,「最受歡迎電視拍檔」就由一對好拍擋洪永城同黃翠如頒發,蕭正楠一上台就大讚女友翠如,之後佢就好多謝公司安排曹永廉同佢拍檔。

然後蕭正楠就話有少少嘢想講,個樣仲好認真:「2018年喺我工作上有好多成就,拍咗好多好好嘅劇,做咗好好嘅綜藝節目,而喺我人生中,我都做咗一個好大嘅決定,我好想趁呢個機會,多謝我太太黃翠如。」之後全場開始歡呼,翠如仲笑到見牙唔見眼。蕭正楠又講到眼濕濕,話想準備啲好浪漫嘅嘢,所以好緊張。

阿廉就叫大家:「一齊數三聲恭喜,蕭太!」


蕭正楠話:「Sorry ,我係好心神彷佛,拍戲或有人嗌我都唔知,我一直諗啲好浪漫嘅嘢感動我太太,但我個腦仔有限,唔識講好多嘢,好緊張,緊張咗成晚,我都唔記得要多謝你乜嘢。我多謝你令我學識去照顧人,令我學識做個更加好嘅男人,今晚呢個承諾都好大鑊,因為全香港人都知道。」翠如終於開口:「夠喇,夠喇,頒獎禮嚟㗎。」蕭正楠即聽話﹕「多謝大家畀呢個機會我講,多謝晒!」

陸浩明就叫大家:「恭喜一對新人合巹交杯,同世紀一吻,唔好意思突然間變婚禮,我一齊恭喜蕭生蕭太,祝百年好合,永結同心。」最後一對新人亦在大家祝福下情深一吻。

二人行入後台時勁sweet!


最受歡迎電視歌曲 〈但願人長久〉 主唱︰菊梓喬

由菊梓喬獻唱的《跳躍生命線》插曲《但願人長久》奪得,菊梓喬致謝時語帶哭腔,除了多謝公司,還感激《跳》演員的出色演出:「佢哋演得好感動,我睇佢哋演出,喊咗好多次。今晚好開心,希望可以唱多啲好嘅音樂。」

大家睇《跳躍生命線》時不斷會聽到的〈但願人長久〉,大家都聽到入晒腦,大人細路都識唱!


飛躍進步男藝員

何廣沛今晚台慶奪得飛躍進步男藝員獎,佢上台話:「多謝公司頒呢個獎畀我,我好感恩,由我訓練班畢業,到企喺呢個台上,我好幸運遇到好多唔同類型嘅劇本、唔同嘅角色,都好感激公司又排好多前輩同我合作,畀我喺佢哋身邊偷師,每一位都係我好好嘅榜樣, 當然要多謝我屋企人、多謝26期訓練班嘅兄弟姊妹同埋導師鄭旦瑞,旦爸,我得咗喇!」好咯,事業起飛,唔使三餐捱麵包喇!

感恩由訓練班畢業後,公司一直畀佢好多演出的機會,他不忘多謝家人、fans、以訓練班的弟兄姊妹及導師鄭丹瑞!



飛躍進步女藝員 馮盈盈

馮盈盈獲獎時一臉愕然,她上台領獎時說:「唔好意思,因為一直以嚟以為自己唔會拎呢個獎,所以冇諗講啲咩,仲諗住頒完去洗手間,我覺得自己係未夠班嘅,所以一定要好多謝一直以嚟畀機會我嘅人,我覺得自己嘅表演未夠滿分,佢哋好大膽畀機會我,嚟緊要再努力啲,先可以再進步,未來我會努力做好。」

馮盈盈話冇諗過攞獎,所以冇準備,仲諗住頒完呢個獎去洗手間。她說自覺做得未夠好,但多謝大家仍給她機會。今年馮盈盈在多個劇集如《果欄中的江湖大嫂》以及佢有份主持的綜藝節目《後生仔傾吓偈》都有亮眼表現,希望她來年繼續努力!



 最佳非戲劇節目

《嫁到這世界邊端2》、《美女廚房》、《森美旅行團》、《後生仔傾吓偈》、《周遊東京》節目受歡迎程度無庸置疑!

《後生仔傾吓偈》

《森美旅行團》


《嫁到這世界邊端2》

《美女廚房》


最佳節目主持  田蕊妮《女人四十》

田蕊妮主持嘅《女人四十》奪最佳節目主持獎,阿田話個節目構思到出街一直都有份參與,她也答謝一班幕後、嘉賓,也多謝其父母!



萬千光輝演藝人大獎 薛家燕

68歲的薛家燕昨晚奪得萬千光輝演藝人大獎,家燕姐講感言時表示要感恩,演藝生涯已60年實在不簡單,又特別多謝曾勵珍找她拍《真情》,是她人生轉捩點!當時很辛苦,但從來都沒有跟公司說辛苦,又多謝樂小姐及余詠珊小姐給她的支持及協助,家燕更講到喊:「TVB呢個大家庭係畀我好大支持,當中包括幕後及一班合作過嘅藝人,有時唔記得食嘢買埋畀我食,我慳埋好多,我會繼續努力報答大家。」

由胡楓、黎小田頒獎,頒獎前黎小田指得獎者「事業心重」,胡楓又指她勤力,又是偉大母親,未頒已呼之欲出是薛家燕。家燕姐今次攞獎唔着登基黃袍,反而以全紅色登場。



專業演員大獎

「專業演員大獎」由盧宛茵先拔頭籌奪得,之後大會再讀出鄭子誠、歐瑞偉的名字,全場掌聲不斷。 盧宛茵鄭子誠歐瑞偉都係經驗豐富的資深演員,奪「專業演員大獎」獎實至名歸!

盧宛茵在BB來了中飾演奶奶一角相當突出,呢晚佢喺劇中兒子黎諾懿手上接過獎項!

Madam表示獲獎喜極而泣,自認眼淺,又表示演喊戲時不用眼藥水。


鄭子誠演奸角演到出神入化,當他上台致辭:「多謝同事,攞奬我唔敢當,我只係有做演員最基本嘅態度。每個人都會受身處嘅環境所影響,我每日工作時候都遇上非常專業嘅同事們,相信大部分同事們都配得上攞這個獎。」

鄭子誠則謙稱公司大部分同事,都配獲得這個獎,而自己只是比較僥倖。


歐瑞偉獲獎時,除多謝公司﹑同事及太太仔女外,他還特別多謝《愛‧回家之開心速遞》的好拍檔Terry。



最喜愛劇集(新加坡及馬來西亞)  《三個女人一個「因」》

「新加坡及馬來西亞最喜愛劇集」由《三個女人一個「因」》獲得,眾演員及監製代表上台攞獎,監製潘嘉德表示:「多謝星馬觀眾支持,以及台前幕後嘅同事,黃智雯由頭到尾都冇病過,場場都有佢。」

鍾意就快D Share啦!
Related Posts Plugin for WordPress, Blogger...