掃呢頁CODE去手機

2018年12月13日 星期四

馬清揚:驚傳秘撻金髮索模 馬清揚:我唔會離婚 __,馬清揚,

馬清揚被傳秘撻金髮索模Ksenia!前港姐錢慧儀與名人老公馬清揚今年驚爆婚姻亮起紅燈,兩人冷戰達四個多月,錢慧儀更離家出走到美國陪子女冷靜情緒,23年 ...


馬清揚被傳秘撻金髮索模Ksenia!


前港姐錢慧儀與名人老公馬清揚今年驚爆婚姻亮起紅燈,兩人冷戰達四個多月,錢慧儀更離家出走到美國陪子女冷靜情緒,23年婚姻危危乎。近日有讀者爆料,指馬清揚近年另結新歡,有傳他秘撻一名現年21歲、烏克蘭籍金髮女模Ksenia B,Ksenia年輕貌美,身材又高又瘦,在港做模特兒。

消息指馬清揚與Ksenia來往已兩年,兩人經常四圍去,上月才剛到澳門遊玩,有傳今日兩人又出發到峇里遊玩,而今早果然見到Ksenia現身機場!大約十時許,有司機駕車到她中環下塌的酒店接載,素顏的Ksenia戴着眼鏡和藍芽耳筒,身穿黑衫、黑褲、白波鞋,一見房車便熟悉地跳上車,其後司機直駛往機場。Ksenia更到商務位check in後便入閘,認真富貴,但未見馬清揚。

否認有新歡:唔識佢

馬清揚接受東網訪問,問到傳有新歡?他語帶輕鬆,笑着否認,對於有指與Ksenia出埠,他表示身在香港,沒有此打算,還說:「我邊有新歡!(識唔識Ksenia?)唔識,邊個講㗎?冇咁嘅事,我冇拍拖。(點解有咁傳聞?)咁唔知喇!(有冇見過Ksenia?)點記得有冇見過佢,日日去咁多場合。」他直言介意有此傳聞,承認最擔心引起太太誤會。他透露太太與仔女已回港,一家同住,問到錢慧儀的情緒是否已好轉?他說:「佢都係休息緊,都係咁,差唔多。(你哋婚姻有冇問題?)點解有問題!(太太情緒差影響你哋感情?)冇情緒先有影響。(你哋和好?)都係咁,大家咁多年。」

對太太:唔會離、唔會棄

問是否仍關心太太時,他表示夫妻結婚多年,肯定會關心對方,並拍心口指對太太不離不棄:「唔會離、唔會棄,一樣狀況。點解要離婚?唔係相處唔到,佢呢排好啲。」問會否回到以前一様,與太太拍拖出席公開活動?他就語帶保留:「佢未到呢個狀況,唔係好亦唔係差,暫時都未係可以一齊出席活動。」


來源 source: http://hk.on.cc
鍾意就快D Share啦!