掃呢頁CODE去手機

2018年12月14日 星期五

【娛樂人物】卓林問成龍「我細個發生乜事?」 __,吳卓林,吳綺莉,成龍,

現年19歲的卓林日前接受《蘋果》獨家專訪,她坦言從未見過成龍,卻因為「小龍女」的身份,從小受盡欺凌。
現年19歲的卓林日前接受《蘋果》獨家專訪,她坦言從未見過成龍,卻因為「小龍女」的身份,從小受盡欺凌。【《蘋果》獨家專訪】吳卓林是吳綺莉和成龍的女兒,自 ...


【《蘋果》獨家專訪】

吳卓林是吳綺莉和成龍的女兒,自99年出生以來,一直是焦點所在,受盡注目的她活在世界19年,卻從來未感受到父愛。自去年出櫃,與母親吳綺莉鬧翻、離家出走,上月再與女友Andi在加拿大結婚,卓林絕對是這兩年的新聞人物。經歷幾許風雨,卓林和太太Andi日前接受《蘋果》獨家專訪,提到父親成龍,卓林坦言內心一直有很多不解之謎,當全球都知道她是成龍的私生女,卓林卻想問成龍:「我細個發生乜事?」

採訪﹕嵐山、黎沐風

攝影﹕陳俊強

相關新聞:戀Andi被質疑信Love Wins

現年19歲的吳卓林,由出世開始便被稱為「小龍女」,在她出生前九日,父親成龍更開記者會,承認自己做錯了一件全世界好多男人都會做錯的事,並聲稱如果BB是他的,一定會負責。實情是,卓林從未見過生父一面,對於自己的身份有不少疑問。

卓林和太太Andi日前接受《蘋果》獨家專訪,問到有沒有見過爸爸成龍?卓林淡然地說:「我從來冇見過佢,你問我有冇見過佢,即係我問你有冇見過佢?我對佢嘅熟識程度,同你差唔多一樣。其實佢喺我眼中冇壞定唔壞,因為我唔識佢,我唔識一個人唔會去judge,我知細個時講過衝動嘢,但呢刻心理平衡咗好多。」她續言:「但好奇怪,因為我一生出嚟,個個就知我係邊個,我自己都唔知自己係邊個,跟住個個望住我,睇我點死或者點好,我心諗what?



成龍曾與吳綺莉發生婚外情,更因此誕下卓林。 成龍曾與吳綺莉發生婚外情,更因此誕下卓林。
有傳房祖名曾相約卓林食飯,卓林表示自己並不認識對方。

有傳房祖名曾相約卓林食飯,卓林表示自己並不認識對方。

上海被同學欺凌

身為成龍女兒,卓林直言好大壓力,之前也非常不開心。吳綺莉在02年帶她由香港搬到上海投靠外婆,更加是噩夢的開始:「我最難受嘅時期係喺內地,嗰時讀緊中學,同學以為我同阿爸有關,就喺度講『有錢女呀,有錢女呀。』唉,嗰間學校我都費事講喇,但啲老師都冇用,我瞓喺度俾人踢,佢行過就話『你哋唔好咁啦』,跟住停落嚟,老師行開,佢哋又繼續踢。」

有傳成龍有30億身家,他曾在訪問中透露一半給予太太林鳳嬌和兒子房祖名,另一半捐去做慈善,半句沒有提及她。卓林一臉不在乎:「我冇諗過喺佢身上得到任何嘢,冇感到受傷。It’s really none of my business!」

相關新聞:遺傳情緒問題唔怪吳綺莉



不需要任何人錢

之前卓林拍片尋父,訪問當日她一口氣說出心底話:「嗰時我搵爸爸,係我好多嘢都唔知發生緊乜事,我唔係要搵佢嘅錢,或者要任何人嘅錢,個個睇完video話我『You want money!』NO!我當時係覺得迷茫,我覺得害怕,同時我都有我嘅心理問題要處理,我覺得有太多事令我好迷茫。」她以英文續言:「某程度上,是,是一種求助,不過是幫我釐清真相的求助。」

如果有機會見到成龍,卓林又會怎樣?她毫不猶豫地說﹕「如果我見到佢,我可能會話『Yo!What’s up dude!That’s cool!你可唔可以話我知,到底我細個發生乜事?我阿媽點解會咁?你哋有冇討論過?或者有冇同我婆婆傾?』I need answer!我當時只係一個baby,根本唔知道任何事。」



否認受祖名資助

有傳成龍和元配林鳳嬌所生的兒子房祖名,曾相約卓林食飯,又幫助吳綺莉購買大坑豪宅。卓林否認說:「冇咁嘅事,我唔識佢,我同佢(祖名)有血緣關係,同陳生一樣。我對佢冇任何感覺,我只係知道佢存在。」

早前卓林將fb改為Etta Zen,有指她要跟父姓,改姓陳,卓林解釋:「我從來冇姓過陳,我想真係有一個自己嘅identity,係提醒自己冷靜。Zen(禪)呢個字係一個提醒,我想自己冷靜,我需要心境平和,以前嘅我因為發生過嘅都太過衝動、太過情緒化,過往一切都深深的影響到我,我需要將以往嘅一切都放下。」當記者告知卓林,成龍本來姓房,叫仕龍,卓林聽得一頭霧水,笑言:「我真係唔知。」




鍾意就快D Share啦!