掃呢頁CODE去手機

2018年12月1日 星期六

【易容變肥仔】王祖藍參加大陸選秀比賽 被導師陳偉霆恥笑 __,中國,大陸,王祖藍,陳偉霆,

陳偉霆手口並出咁笑祖藍塊四方面(微博圖片)
王祖藍不嬲都鍾意扮嘢,佢最近就為咗自己個節目《沒想到吧》,易容參加大陸綜藝節目《中國夢之星》,節目今晚播出,電視台較早前公開咗預告片,今集選秀嘅導師, ...


王祖藍不嬲都鍾意扮嘢,佢最近就為咗自己個節目《沒想到吧》,易容參加大陸綜藝節目《中國夢之星》,節目今晚播出,電視台較早前公開咗預告片,今集選秀嘅導師,就有我哋嘅宇宙G.E.M.鄧紫棋、去大陸發展變咗「國民老公」嘅陳偉霆,同埋組合「羽泉」嘅胡海泉等。



今次祖藍化名王嘉豪上節目,佢先要同另外兩人過跳舞同唱歌呢兩關,一開場,G.E.M.明顯對呢個肥仔有懷疑,而祖藍就以論盡得嚟又幾靈活嘅舞步,吸引大家注意,而被喻為新一代舞王嘅陳偉霆,更加笑到見牙唔見眼,仲話:「中間那個胖子是甚麼情況?跳得挺好,中間那個挺搞笑我覺得。」



之後,祖藍順利留低,而宇宙G.E.M.喺呢刻就忍唔住同祖藍講:「我覺得你好眼熟。」祖藍就求其搵個藉口敷衍咗G.E.M.,點知之後陳偉霆就出聲問:「你是來搞笑的嗎?」然後又問祖藍可唔可以除帽,當佢一除低圍衣頂帽時,陳偉霆即話:「還是假髮,我想問你嘉豪,你知道我們選擇的戰隊都是…雖然不是說要很帥,但是也起碼不醜。」而坐喺佢身邊嘅胡海泉,一聽到咁講,就忍唔住搭嘴問:「你這麼說話合適嗎?」點知陳偉霆就話:「不是,你臉的形有點奇怪,就是胖也不會胖到方形的地步吧,你是胖到齊角了,你明白嗎?是這樣。」跟住仲用雙手做出起角嘅手勢㖭。



笑到咁盡,唔知當佢知道呢位肥仔係祖藍嗰陣,又會有乜反應呢?



精選娛聞,喺晒《娛果》

http://fb.com/appledailyent



陳偉霆手口並出咁笑祖藍塊四方面(微博圖片) 祖藍為咗自己個節目,易容去參加另一節目(微博圖片) 祖藍為咗自己個節目,易容去參加另一節目(微博圖片)
易容後嘅祖藍,變咗咁嘅樣(微博圖片)

易容後嘅祖藍,變咗咁嘅樣(微博圖片)
之後仲出埋手咁笑佢塊面係方形(微博圖片)

之後仲出埋手咁笑佢塊面係方形(微博圖片)
見到祖藍跳舞,陳偉霆笑到見牙唔見眼(微博圖片)

見到祖藍跳舞,陳偉霆笑到見牙唔見眼(微博圖片)

鍾意就快D Share啦!