熱爆娛樂: 【狗仔出更】拍拖放狗嘆茶林憶蓮望住恭碩良即冧笑 _

2018年12月6日星期四

【狗仔出更】拍拖放狗嘆茶林憶蓮望住恭碩良即冧笑 __,恭碩良,林憶蓮,

娛樂圈有唔少姊弟戀，除近期公開一對、年齡相差5歲嘅鄧麗欣同邱勝翊（王子），最受傳媒關注嘅一定係年齡相隔11載嘅王菲、謝霆鋒。不過，尚有一對年齡同樣相距11年嘅戀人，拍拖8年依然甜蜜蜜，主角就係52歲嘅林憶蓮同41歲嘅恭碩良喇！

憶蓮同恭碩良拍拖以來一直keep住sweet，去年憶蓮舉行紅館演唱會，更公開喺台上讚男友有才華，仲形容佢係背後最重要男人之一，而另一位就係合作無間嘅拍檔倫永亮。

除了同樣熱愛音樂，憶蓮同恭碩良都是愛狗之人，經常會拍住拖現身狗公園放狗，日前二人又孖住出巡，拍拖帶兩隻唐狗去西貢「放電」，期間2人去一間露天茶座嘆下午茶，素顏嘅憶蓮甚至不介意和男友一樣，豪邁地用手拿食物直接放入口，大啖大啖食。

當日接近黃昏5點左右，相信已陪狗仔玩夠嘅憶蓮同恭碩良，選了一間露天餐廳嘆下午茶，一人拖住一隻狗狗坐下後便開始點菜，2人邊食邊傾，不過大多時間都由恭碩良發言。雖然，未能聽到恭碩良同憶蓮講乜，但憶蓮就一定好啱聽，事關佢幾乎男友講乜都會笑，有時甚至好似少女一樣，含情脈脈望住男友笑咪咪，而且憶蓮亦相當細心，見恭碩良想抹手，即時用水倒濕紙巾遞上，有另一半嘅女士們，真係要學吓喇！

兩人大約喺餐廳坐咗一個鐘就埋單，然後又一人拖住一隻狗返回車上，期間恭碩良明顯比憶蓮警戒心強，不時都會左望右望，他和憶蓮各自安頓好愛犬後，就齊齊坐上乘客位，由司機機載走。

精選娛聞，喺晒《娛果》

http://fb.com/appledailyent

攝影：徐錦池、孔志豪	憶蓮每次聽男友恭碩良講完嘢都會笑得好開心。	 憶蓮安頓愛犬喺車尾私家位。
 恭碩良全程保持高度警戒，不時四圍望。	 離開嗰時，兩個人就行到好開。	 憶蓮曾在演唱會公開指男友是佢背後重要男人。