掃呢頁CODE去手機

2018年12月17日 星期一

【第一次求婚失敗咗...】畀陳展鵬鄭嘉穎打尖講咗先 蕭正楠:今晚我估冇人講啦啩 __,蕭正楠,鄭嘉穎,陳展鵬,

(攝影﹕孔志豪、畢紹基/無綫電視截圖)
凌晨12時半新郎哥蕭正楠喺無綫將軍澳接受傳媒訪問,問佢事前有冇同翠如夾過,佢話:「其實冇exactly話畀佢聽幾時講,但我話差唔多啦,好難再忍啦,我掩 ...


凌晨12時半新郎哥蕭正楠喺無綫將軍澳接受傳媒訪問,問佢事前有冇同翠如夾過,佢話:「其實冇exactly話畀佢聽幾時講,但我話差唔多啦,好難再忍啦,我掩住阿廉(曹永廉)把口啦,講咗畀佢聽之後,大家知佢幾咁口疏㗎啦,所以揀咗今晚去將呢件事講出嚟,我諗佢都嚇咗一跳,所以佢都已經即刻走咗。」



咁結咗婚幾耐?蕭正楠話:「係今年嘅事,好開心,好多謝佢父母同我媽咪嘅祝福,亦都批准咗,我哋做咗一個旅行嘅婚禮,簽紙,好浪漫嘅,我同佢喺埋一齊,去到邊都咁開心嘅。其實做之後都諗唔可以拖得太耐,因為同事、身邊朋友,記者朋友都不停咁催幾時結婚,但想講嘅時候展鵬講咗喎,再想講時嘉穎講咗喎,硬係揀唔到乜嘢好時間去講,變咗今晚我估冇人講啦啩!」



蕭正楠講到幾時註冊,佢就話係暑假之前,至於地點佢就話留畀翠如講,不過佢就爆求婚過程:「好得意嘅,因為我就懶神秘,喺歐洲搵咗部最高速嘅過山車,諗住佢冇得走,去到中程我就叫佢望過嚟,點知佢驚到個人係定咗,完全冇望過嚟,我諗就到頂喇喎,之後就取消行動,收埋咗戒指,所以第一次求婚喺佢唔知情嘅情況下失敗咗。」



問到幾時擺酒,佢就話冇諗過,只係簡單同屋企人食飯,蕭正楠又講到今晚講出嚟好感動:「我見到身邊嘅同事好開心,佢哋話我一定要搞婚宴,畀啲時間我考慮下啦,大家都好忙工作,佢又啱啱接咗新劇,要睇下點。」問到成功嘅求婚經歷,佢就話:「畀佢講啦,留番啲嘢佢講。」問到有冇同人講過,佢就話:「剩係同啲長輩講過,翠如嘅父母、我嘅媽媽同埋曹永廉。」仲話雙方父母都冇催生BB,順其自然。



精選娛聞,喺晒《娛果》

http://fb.com/appledailyent




鍾意就快D Share啦!