因為花心？
藝人薛家燕首個紅館騷開鑼！一連兩場「薛家燕愛你無限60年演唱會」今晚頭場，與胡楓（修修）唱畢《往事只能回味》，先後再邀請黎小田及陳欣健上台，分別唱出《快樂伴侶》、《一心想玉人》，四人更興起互相跳舞，現場氣氛High爆！
唱畢此三男一女組合上演「爭寵」戲碼，各人都話曾追過家燕，要她分別揀做老公、男朋友及朋友的人選，家燕即挑選修修做「老公」：「因為佢永遠一條心，又夠穩重！」再選陳欣健做「情人」：「佢夠型、夠溫柔、口又甜！」正當全場都哈哈大笑之際，修修突然問：「咁如果揀花心呢？」黎小田扁晒嘴「投訴」：「揀淨我！」家燕安慰黎小田笑話：「咁你咪做朋友囉！畀過機會你，但你唔識珍惜！」整段妙語連珠令全場笑爆嘴！
四人之後大合唱《舊歡如夢》，唱完輪到修修「投訴」：「我個人唱得半首歌，合唱都係唱得2句，做人有咩意思？唔理咁多，我繼續唱！」家燕即刻勸停：「入後台飲水休息之後再請你出台」修修再反駁話：「再請？我自己行出嚟呀！」惟邊講邊「被落台」，他都一直堅持唱不停，場面爆笑！
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|