掃呢頁CODE去手機

2018年12月16日 星期日

林峯:聖誕同「佢」過!林峯聞吳千語想翻撻… __,吳千語,林峯,

林峯雖然有新歡張馨月,但當聽到舊愛吳千語想翻撻時…藝人林峯以六福珠寶「愛恆久」系列代言人身份出席「2018六福珠寶賽馬日」,問到聖誕節將如何度過?林峯 ...


林峯雖然有新歡張馨月,但當聽到舊愛吳千語想翻撻時…


藝人林峯以六福珠寶「愛恆久」系列代言人身份出席「2018六福珠寶賽馬日」,問到聖誕節將如何度過?林峯表示:「會同一個細細個就識得嘅好朋友,同埋佢一家人過,因為我啲屋企人聖誕節通常係打麻雀過,我又唔識打,覺得有啲悶。(咁會唔會帶另一半出席?)感情事唔講啦。(有傳聞指吳千語想翻兜你?)感情事真係唔想分享咁多。(係咪有開心事先至會分享?)其實一年前都同傳媒朋友講過,想大家專注我嘅作品上面,其實我今年有四套作品,係好多人一齊嘅心血,唔想每次出嚟都係花咗心機喺其他嘢上面,希望大家睇到自己的作品。」

屋企好多金銀珠寶

至於跟品牌合作多年,會否經常送珠寶給家人或另一半?他就表示:「我都好多謝六福,好多朋友百日宴或者長輩生日,我都會送金銀珠寶,我會攞discount,亦會買來孝敬父母,所以屋企都幾多呢啲。」林峯又表示始終有一日會踏入人生另一階段,所以都希望品牌到時可以贊助他,問到不是應該父母傳給他嗎?他笑說:「我呢啲靠自己,講心嘅,唔講家傳之寶。(屋企有冇家傳之寶畀你?)啲人成日話我去旅行買手袋,其實我係買畀媽咪,我成日同佢講要當手袋係藝術品,將來就會成為家傳之寶。」

做馬主?

此外,他笑言已經忘記第幾年入馬場出席這個品牌的活動,並表示跟品牌合作了很多年,每次到馬場差不多都是為工作,但本身是馬會會員,當時申請馬會會籍,主要都是想父母可以進場食飯,因為他認為馬會的東西很好吃。問到會否考慮做馬主?林峯坦言:「好多朋友有問過我,我出年先諗吓,可以當係一個地方或者活動聚會吓,但我完全唔識賭馬,我試過口噏就中,自己買又未必中。(如果做馬主會唔會幫隻馬改名,例如叫玉樹?)未諗到咁遠喎,都要睇吓朋友意見。」


來源 source: http://hk.on.cc
鍾意就快D Share啦!