掃呢頁CODE去手機

2018年12月14日 星期五

【狗仔出更】選情告急要出手拉票?李佳芯打人情牌補飛爭視后 __,李佳芯,視后,

攝影:徐錦池、孔志豪
一年一度嘅台慶頒獎禮將會喺周日,即係16號舉行,雖然唔少觀眾都覺得大台劇集越嚟越膠,有人仲話索性唔睇,之不過正所謂「百貨應百客」,所以點都有捧場客!今 ...


一年一度嘅台慶頒獎禮將會喺周日,即係16號舉行,雖然唔少觀眾都覺得大台劇集越嚟越膠,有人仲話索性唔睇,之不過正所謂「百貨應百客」,所以點都有捧場客!今年視帝同視后之爭,坊間有唔少人都覺得視帝冇視后鬥得咁激烈,事關今年大台安排《大帥哥》未播已經有提名,張衞健可以話坐亞望冠登上呢個視帝寶座,唯一嘅對手亦都係今年一口氣拎咗大馬同新加坡視帝嘅袁偉豪!



相比之下視后嘅競爭就激烈好多,今年嘅熱門除咗《BB來了》嘅李佳芯(Ali)之外,《宮深計2深宮計》嘅陳煒同《三個女人一個「因」》嘅黃智雯同樣被視為熱門人選,煒哥仲講到明話恨攞獎,除咗係演技被肯定之外,仲可以重拾自信喎!煒哥之所以咁講,當然有佢嘅隱憂,事實上李佳芯同黃智雯呢兩個對手又係好強,尤其係李佳芯,佢一向都好得高層歡心,不過近日有傳Ali因為推劇而得罪高層,仲親手將視后推走埋,唔知係咪呢個原因,Ali日前出席活動,笑笑口話要拉票,仲話會叫身邊嘅人同屋企人投票,向外就要靠大家(新聞連結: https://bit.ly/2EsmeHB )。



坐言起行嘅Ali,日前喺尖沙嘴出席完活動,好識做咁留喺現場同啲嘉賓影相,擾攘咗半個鐘後,去停車場又同fans影相兼合照,全程都冇托手踭,Ali仲叫啲fans小心啲車,直到有商場保安去到話嗰個位唔畀企,一班fans先乖乖放人,Ali就揸車返將軍澳嘅寓所。



唔知呢招人情牌,最終可唔可以幫手呢?



【編輯推介】



【獨家專訪】19年冇見過生父 卓林想問成龍:我需要答案

https://bit.ly/2SI19Mv



【AV女優的BB】父母默默支持 蒼井空分享陀B心情:以後遭受霸凌的機率絕對很高

https://bit.ly/2Ca87Va



【TVB教食本地生蠔】《東張》拖漁護署落水 漁護署反摑一巴:要煮熟食

https://bit.ly/2LeYIOS



【韓流】又有韓星親人涉欺詐 金泰宇岳父被爆26年前借錢唔還

https://bit.ly/2LlGsUh



【又有串星】Ed Sheeran傳客串《星戰9》演白兵

https://bit.ly/2zZw67R



精選娛聞,喺晒《娛果》

http://fb.com/appledailyent



攝影:徐錦池、孔志豪 李佳芯喺活動後,同fans影相! 李佳芯喺活動後,同fans影相!
完全冇托手踭!

完全冇托手踭!
滿足晒fans啲要求先走人。

滿足晒fans啲要求先走人。

鍾意就快D Share啦!