掃呢頁CODE去手機

2018年12月20日 星期四

【塞翁失馬焉知非福】港姐變上市CEO 袁彌明無悔離開TVB __,TVB,港姐,袁彌明,

攝影:沈健程、廖達燊
唔少人都話參選港姐係為咗釣金龜婿,但05年落選港姐袁彌明(Erica)就靠自己努力,創一番事業,未夠40歲已成為上市公司CEO。10年前,袁彌明one ...


唔少人都話參選港姐係為咗釣金龜婿,但05年落選港姐袁彌明(Erica)就靠自己努力,創一番事業,未夠40歲已成為上市公司CEO。10年前,袁彌明one-woman-band喺網上拍片教人扮靚,至今已擁有9間專門店,今年2月公司喺創業板掛牌,市值接近3億港元。



袁彌明日前接受《蘋果》專訪,一身女強人打扮落舖頭巡視,佢話﹕「自己生意梗係緊張,我仲有好多expansion plan。有咩做,與其等第二日,不如我即刻做咗佢就算。」或許呢個就係佢成功嘅秘訣。



袁彌明係05年香港小姐,入圍最後5強,可惜名落孫山。選完兩年就離開大台,佢話﹕「冇後悔,如果唔係發生合約糾紛,其實都唔會有今日嘅我囉,諗番都覺得唔應該同唔尊重自己嘅人一齊合作。不過又咁講,喺TVB我都冇一個穩定收入,叫有一、兩個節目孭喺身,但佢話cut就cut,話雪藏就雪藏,所以跳唔跳出嚟都一樣冇保障。」



塞翁失馬焉知非福,袁彌明百足咁多爪,連政治都涉足埋,搞美容生意亦頗成功。佢話﹕「咁你話大生意,大把人生意大過我,人哋幾百間分店都係咁做啦,我就寧願慢慢expand,慢慢經營。」賺錢之餘,袁彌明有時亦會不計酬勞幫港台拍劇,早前佢與寶珮如、梁雍婷合作拍《火速救兵IV》,劇集將會喺明年1月4日起重播一小時足本版。Erica話﹕「我係港台之友嚟㗎,因為拍嘅時間唔太多,都係客串過吓戲癮。我都知自己唔係太適合做演員,因為冇乜同理心。而劇中我做人媽咪,唔會介意,去到我呢個年紀(38歲)嘅演員都係做緊人媽咪啦,只係驚同仔女connection嗰part做得唔好。」



Erica喺2014年與拍拖一年多嘅前謎網行政總林雨陽結婚,問到幾時會生BB?Erica斬釘截鐵話﹕「唔生仔㗎,都99.999%心意已決,我好需要有自己一個人嘅空間,同埋要寧靜囉。如果有小朋友不停喊、不停叫,我諗我頂唔順。老公?佢都冇所謂。我反而好鍾意貓貓狗狗,一見到就會走埋去抱,真係偏心。」



但o依家身家豐厚,將來遺產會留畀邊個?Erica好認真咁話﹕「我又真係有諗過呢個問題,係唔知畀邊個喎?咪做慈善囉,整個基金,每年用利息畀啲獎學金,或者有需要嘅人,哎呀,我都唔係好多啫。」



點解突然咁謙虛嘅?其實袁彌明出名係辣妹,曾暗嘲同屆港姐冠軍葉翠翠整容及釣金龜,又與高登仔「開拖」,指係「閒人冇嘢做先會上高登」,袁彌明用堅定眼神話﹕「I still hold my argument(論據),仲有一單,話我唔請用緊Yahoo mail同hotmail嘅人做我助手,咁我o依家都仲係hold個principle㗎,at least都係用一個有效率嘅mail service啦大佬,即係可能hotmail同Yahoo唔係路嘅,你仲用netvigator mail,咁我真係睇唔起你㗎喎。」



採訪:嵐山

攝影:沈健程

場地提供:彌明生活百貨



精選娛聞,喺晒《娛果》

http://fb.com/appledailyent



攝影:沈健程、廖達燊 05年落選港姐袁彌明靠自己努力,創一番事業。 05年落選港姐袁彌明靠自己努力,創一番事業。
未夠40歲已成為上市公司CEO

未夠40歲已成為上市公司CEO
袁彌明係05年香港小姐,入圍最後5強,可惜名落孫山,選完兩年就離開大台。

袁彌明係05年香港小姐,入圍最後5強,可惜名落孫山,選完兩年就離開大台。
佢話﹕「如果唔係發生合約糾紛,其實都唔會有今日嘅我。」

佢話﹕「如果唔係發生合約糾紛,其實都唔會有今日嘅我。」
袁彌明有時亦會不計酬勞幫港台拍劇

袁彌明有時亦會不計酬勞幫港台拍劇
Erica話﹕「我係港台之友嚟㗎,因為拍嘅時間唔太多,都係客串過吓戲癮。」

Erica話﹕「我係港台之友嚟㗎,因為拍嘅時間唔太多,都係客串過吓戲癮。」
Erica喺2014年與拍拖一年多嘅前謎網行政總林雨陽結婚。

Erica喺2014年與拍拖一年多嘅前謎網行政總林雨陽結婚。

鍾意就快D Share啦!