掃呢頁CODE去手機

2018年12月30日 星期日

【薑都係老嘅辣】兩父子瘋狂頂嘴 Chok爆霆鋒畀謝賢K.O. __,謝賢,謝霆鋒,

(微博圖片)
謝霆鋒一向出咗名Chok,不過,佢對住比佢更Chok更有型嘅老竇謝賢時,霆鋒完全毫無還擊之力,舉手投降。話說霆鋒請咗汪明荃上自己個節目《鋒味》,霆鋒係 ...


謝霆鋒一向出咗名Chok,不過,佢對住比佢更Chok更有型嘅老竇謝賢時,霆鋒完全毫無還擊之力,舉手投降。



話說霆鋒請咗汪明荃上自己個節目《鋒味》,霆鋒係宣傳片度話聽汪阿姐講,當年佢拍《千王之王》嗰陣,就係自己出世嘅時間,於是霆鋒就問四哥當時嘅情況係點,四哥就指當時同阿姐拍緊戲,點知收到電話話霆鋒要出世,四哥話自己一聽完就話:「好!」跟住佢就邊形容邊用手推咗汪阿姐一下,然後話自己除低件衫就即刻飛去醫院。



四哥話自己等咗15分鐘之後,就見到BB(即係霆鋒),點知佢一望就話:「那麼醜!」霆鋒聽完即打咗個突,跟住忍唔住反駁話:「像你!」雖然係咁,之後四哥又好感性話:「但是那天我一抱着他,我眼淚都出來了。」



之後另一嘉賓爆霆鋒話四哥覺得佢唔夠有型,一向型開嘅四哥就好得戚咁講:「沒有,他,慢慢來。」霆鋒就話四哥對着衫方面好計算,話自己出道嗰陣,四哥同佢講,着橫間衫就唔可以着直間褲,如果着直間嘅,對襪就唔可以有圈圈形狀,當霆鋒話聽四哥講呢啲邏輯聽到頭都大時,阿姐就話:「講究,那你肯定要聽他的,他穿衣服很講究。」



鏡頭一轉,見到有婆婆讚四哥同霆鋒都好紅,點知四哥一聽完就表示霆鋒只屬於一般,搞到阿姐笑住話:「一代勝一代。」四哥聽完又唔認輸話:「聽不懂這句。」之後,霆鋒又話有問題要問四哥,就係佢一直都戴住副超,到底睇唔睇到嘢?四哥就即時將副超除底,而霆鋒就攞住佢副超放喺鏡頭前,叫大家睇四哥視角,之後霆鋒還番副超畀四哥後,又話:「今天的不算黑,那麼黑能不能(看到)?」點知講完之後,四哥就爆咗一句:「我不想看到你!」而講完呢句之後,霆鋒都忍唔住話服。



精選娛聞,喺晒《娛果》

http://fb.com/appledailyent



(微博圖片) 霆鋒請咗老竇四哥同汪阿姐上自己節目做嘉賓(微博圖片) 霆鋒請咗老竇四哥同汪阿姐上自己節目做嘉賓(微博圖片)
四哥話一見到霆鋒,就覺得佢好醜(微博圖片)

四哥話一見到霆鋒,就覺得佢好醜(微博圖片)
霆鋒聽完之後好無奈(微博圖片)

霆鋒聽完之後好無奈(微博圖片)
不過四哥又話霆鋒出世時自己都有喊(微博圖片)

不過四哥又話霆鋒出世時自己都有喊(微博圖片)
跟住四哥又話聽唔明阿姐嗰句「一代勝一代」(微博圖片)

跟住四哥又話聽唔明阿姐嗰句「一代勝一代」(微博圖片)
霆鋒攞住四哥副超放喺鏡頭前,畀大家睇四哥視角(微博圖片)

霆鋒攞住四哥副超放喺鏡頭前,畀大家睇四哥視角(微博圖片)
跟住佢又話唔知四哥戴更黑嘅超,到底睇唔睇到嘢(微博圖片)

跟住佢又話唔知四哥戴更黑嘅超,到底睇唔睇到嘢(微博圖片)
點知四哥又爆一句:「我不想看到你!」(微博圖片)

點知四哥又爆一句:「我不想看到你!」(微博圖片)

鍾意就快D Share啦!