2018年12月18日 星期二

英超Fever:【突發】曼聯宣布解僱領隊莫連奴 __,曼聯,

(GettyImages)曼聯周二(18日)官方宣布,領隊莫連奴已經離隊。官方表示,感謝莫帥在任期間在球會的工作,並祝他將來工作順利。聲明亦指,曼聯會 ...


(Getty Images)


曼聯周二(18日)官方宣布,領隊莫連奴已經離隊。官方表示,感謝莫帥在任期間在球會的工作,並祝他將來工作順利。

聲明亦指,曼聯會以一名臨時領隊代替莫連奴執教球隊至季尾,不過尚未公佈人選。英國傳媒報道,現任曼聯助教卡域克好大機會暫時坐正。

今季曼聯戰績低落,英超排第6,在剛過去的英超大戰「雙紅會」作客利物浦,曼聯以1比3慘敗,射門錄得6:36的差劣數據,批評聲音此起彼落,這場敗仗亦成為莫連奴在曼聯生涯的告別戰。

莫連奴於曼聯在任兩年半,領軍144場取得84勝32和28負,共贏得2016社區盾、2016/17英聯盃及2016/17歐霸盃3項錦標。

莫連奴由被兩年前備受睇好,可以率領曼聯王者再臨,重奪英超冠軍,到今季眾叛親離,敗走奧脫福,歸根究底犯下七宗罪。

1.洗腳唔抹腳

莫連奴執教曼聯之後,大灑金錢增兵,轉會花費遠比前兩位主帥莫耶斯、尹戈爾都多。「寸王」執教首季,就以破當時轉會費紀錄,近9000萬鎊收購保羅普巴,上季以7500萬鎊買盧卡古,季中用50萬周薪天價人工簽阿歷斯山齊士。最弊係呢班貴價貨,表現名不副實,更加突然莫連奴亂使錢。

2.泊大巴戰術保守

當主要競爭對手曼城、利物浦、車路士大踢進攻足球,兼獲得佳績時,莫連奴仍然採用保守戰術「泊大巴」,場面難睇之餘,成績又唔好,梗係罪加一等。

3.得罪管理層

莫連奴喺今夏集訓時,就曾經公開批評球會唔開肯水喉買人,矛頭直指行政總裁伍德沃德,公然同老細過唔去,當然冇運行啦。

4.卸膊冇承擔

曼聯每次輸波,莫連奴總係賴球員踢得唔好,好似同自己嘅戰術無關,自然引來球員不滿,同「性格球星」保羅普巴決裂只係冰山一角。

5.公關技巧差

球隊失利之後,面對傳媒訪問,往往不耐煩,敷衍了事,甚至罵記者,盡顯寸王本色,公眾形象差,令球會承受壓力,想保佢都保唔住。

6.成績唔達標

對於曼聯呢種豪門來講,目標一定係聯賽或歐聯冠軍,莫連奴教曼聯第1季,聯賽僅第6位,上季雖然攞亞軍,但落後冠軍曼城19分,歐聯16強出局,今季表現再插水,球會同球迷都不能接受



7.生不逢時

曼聯喺費格遜時代太成功,費Sir文化植根太深,無論莫耶斯、尹戈爾、莫連奴其實都舞唔掂呢隻紅魔鬼,恐怕就算曼聯換帥,新領隊都未必有作為。

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...