掃呢頁CODE去手機

2018年12月24日 星期一

英超Fever:聖誕奇迹!費格遜半出山救曼聯 __,曼聯,

費格遜會幫助蘇斯克查(左圖左)同費蘭管理曼聯。(GettyImages)曼聯喺英超作客以5:1打沉卡迪夫城後,英國有傳媒大爆,紅魔傳奇領隊費格遜會以特 ...


費格遜會幫助蘇斯克查(左圖左)同費蘭管理曼聯。(Getty Images)


曼聯喺英超作客以5:1打沉卡迪夫城後,英國有傳媒大爆,紅魔傳奇領隊費格遜會以特別顧問身份,協助看守領隊蘇斯克查領軍,賽行半出山救曼聯!

紅魔CEO伍德沃德以往好少問費格遜意見,就算兩年半前炒尹戈爾請摩連奴,佢事前都冇知會費爵爺。不過今次格拉沙家族解僱寸王,伍德沃德覺得要費格遜出面,先至壓得住場面,所以請求老人家幫手平息內亂。

報道又提到,費蘭重返曼聯教練團,全靠費爵爺出面,佢曾經長時間喺奧脫福工作,預備組同一隊嘅助教都做過,費爵爺嗌佢好幫手返嚟,係想為教練團增加經驗,仲話蘇斯克查打算打感情牌,請求費爵爺擔任特別顧問。

消息話,曼聯唔會官方宣布費格遜出任顧問,但蘇斯克查希望,定期向費爵爺詢問意見,制定紅魔喺比賽中嘅戰術同策略,呢樣嘢係摩連奴唔會做嘅,而且大家都知,費爵爺退休後依然好關心曼聯,相信會樂意幫下徒弟嘅。

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!