掃呢頁CODE去手機

2018年12月20日 星期四

鍾舒漫處女show閃bra騷胸 爆燈觀眾唔肯走嗌Encore __,鍾舒漫,

鍾舒漫處女show閃bra騷胸爆燈觀眾唔肯走嗌Encore鍾舒漫18號晚喺麥花臣場館舉行,今次係Sherman入行第一個賣飛演唱會,圈中一眾好友包括: ...


  • 鍾舒漫處女show閃bra騷胸 爆燈觀眾唔肯走嗌Encore


  • 鍾舒漫18號晚喺麥花臣場館舉行,今次係Sherman入行第一個賣飛演唱會,圈中一眾好友包括:吳浩康、洪卓立、羅力威同老婆雨僑、C All Star嘅安仔、鄭融、小肥、許靖韻、曾樂彤、陳凱彤、陳慧敏都有到場支持。Sherman喺台上除咗大唱經典歌,仲有連埸勁歌熱舞,全場好似開Party咁High。

    一開場Sherman以銀色閃爆西裝配Bling Bling Bra Top同熱褲造型性感上陣,先唱兩首快歌《My Rodeo》、《Shout》熱身,之後佢除低西裝褸換上花花大褸裝時,大露背令觀眾起哄大叫好Sexy。隨後,佢同四位dancers大跳以九十年代曲風嘅medley,仲由台上跳落去觀眾席入面嘅台,跳到《頭髮亂了》、《傾斜》時,全埸企晒起身,氣氛高漲。

    好姊妹王君馨上台同Sherman合唱《隱型》,二人喺台上扭腰趷籮,睇到人流晒鼻血。衛蘭,衛詩更驚喜現身,再加上妹妹鍾舒淇,五人合唱英文歌《I’ll be there》 牽起全晚高潮。唱完後,Sherman向台上感謝一班姊妹,「多謝佢哋一知道我開音樂會,就即刻報名要嚟撐埸。」

    追入音樂會尾聲,Sherman好感性咁話:「入行有段時間都遇上失意,無咗初出道時唱歌嘅自由,唔記得咗點樣唱歌,到今日好希望將儲咗十一年、最好嘅嘢同大家分享。」音樂會最後以三首快歌結束,不過Sherman落台後,場館爆晒燈觀眾都唔肯走,仲衝晒去台前大叫encore,最後佢再次上台唱埋代表作《給自己的信》,觀眾先捨得離開。Sherman仲話開場冇耐,見到觀眾已經企晒起身,真係好開心:「其實係好難得,你邊諗到香港人,我都冇嗌佢哋起身佢哋全部自己起身!我覺得其實快歌、有節奏感嘅嘢,係可以觸動到人!係真係可以!呢件事我係開心。」

    Sherman大跳熱舞,現場Fans High爆。

    Fans完場都唔肯走,Sherman encore《給自己的信》。



    鍾意就快D Share啦!