掃呢頁CODE去手機

2018年12月27日 星期四

【獨家·有相】撞車前一天 曾志偉孖Vanus北海道搭巴士 __,曾志偉,

  (讀者提供圖片)
原本一個快樂聖誕假期,可以好平靜度過,但65歲曾志偉前日(25號)喺北海道旅行,自駕遊卻在余市發生車禍,被撞嘅七人車上,卻載住香港警務處刑事及保安處處 ...


原本一個快樂聖誕假期,可以好平靜度過,但65歲曾志偉前日(25號)喺北海道旅行,自駕遊卻在余市發生車禍,被撞嘅七人車上,卻載住香港警務處刑事及保安處處長李志恒同家人。交通意外中,李志恒跟同行親友全部受傷,李志恒仲傷及頸椎要做手術(新聞連結: https://bit.ly/2CyMKgd ),0依家情況穩定,仲可以手腳郁動同進食,但有指預計要留院5個星期,志偉跟同車女伴、40多歲化妝師Vanus Li就好彩冇事,但當地警方要志偉進行酒精測試,方便調查意外。

相關新聞:女伴為化妝師兼助手 曾同遊大阪



志偉被踢爆秘密跟化妝師Vanus出遊度白色聖誕,女方即被起底,人稱阿雪嘅Vanus,佢老公張家萬(Gary)生前係志偉的御用化妝師,但Gary於14年心臟病猝逝。志偉就搵咗Vanus做佢嘅化妝師,女方仲幫佢處理大小事務,所以兩人經常會結伴到處飛。有指志偉15年都同Vanus去滑雪。



今日有讀者向《蘋果》提供咗3張相片,清楚看到志偉跟Vanus結伴出遊,佢哋當時各自推着行李,全身黑色打扮嘅Vanus負責看管行李,志偉則到櫃枱詢問,另兩張相片,睇到佢哋上咗巴士,兩人分坐單人座位,有售票員跟志偉對話,志偉則戴住黑超。讀者表示呢張相攝於24號平安夜,即撞車前一天影到佢哋現身北海道嘅情況。

相關新聞:日嚴打酒駕 司機釀傷亡可囚20年



精選娛聞,喺晒《娛果》

http://fb.com/appledailyent



 撞車意外前一天,兩人各自推着行李。(讀者提供圖片) 撞車意外前一天,兩人各自推着行李。(讀者提供圖片)
 在巴士上,兩人分坐單人座位。 (讀者提供圖片)

在巴士上,兩人分坐單人座位。 (讀者提供圖片)
  (讀者提供圖片)

(讀者提供圖片)
Vanus在15年和志偉去滑雪(網上圖片)

Vanus在15年和志偉去滑雪(網上圖片)

鍾意就快D Share啦!