掃呢頁CODE去手機

2019年1月30日 星期三

【16年婚姻點維持】陳子聰餵食薯條幫拎重嘢 對超儀無微不至 __,何超儀,陳子聰,

超儀近日為美國影評人之選大獎做頒獎嘉賓,超儀話自己好興奮同好榮幸可以親手頒獎俾電影《羅馬》嘅導演。呢次美國行,老公陳子聰都有陪佢出席,結婚16年,兩個 ...




超儀近日為美國影評人之選大獎做頒獎嘉賓,超儀話自己好興奮同好榮幸可以親手頒獎俾電影《羅馬》嘅導演。呢次美國行,老公陳子聰都有陪佢出席,結婚16年,兩個都係形影不離。

早排《壹》仔見到兩公婆食飯,同場仲有關之琳舊情人黃家諾同另一位朋友。而家腸病好返晒嘅陳子聰紮起長髮,好有型,仲有啲鬼佬Feel添啊。而超儀就無化妝,望落有啲蒼白。四個人有講有笑,傾得好開心,期間黃家諾不斷Show自己電話嘅相俾其他人睇,睇真啲,佢Show嘅全部都係風景相同酒店相,睇嚟係推薦緊好地方俾超儀佢哋。不過《壹》仔留意到當黃家諾要近睇電話時,就要除低眼鏡,睇嚟今年50歲嘅佢已經有老花問題啦。

聚完舊,超儀就去排隊換禮品,過咗陣陳子聰拎住一大袋漢堡包返嚟企埋一邊等超儀。見超儀排得咁悶,佢仲好窩心咁過去餵超儀食條薯條,然後自己就企埋一邊開餐。等到超儀搞掂,佢就即刻衝過去幫老婆拎野。兩個之間咁有默契,難怪結婚16年都咁Sweet


鍾意就快D Share啦!