掃呢頁CODE去手機

2019年1月19日 星期六

【紀念相識20年】林峯送每人一塊金牌 大肚張美妮激讚﹕超好! __,張美妮,林峯,

林峯大手筆,送同期訓練班同學每人一個金牌。(Ig圖片)
林峯最近真係人逢喜事精神爽,同27歲內地女模張馨月感情穩定,早前被影到拍拖行玩具店(相關新聞﹕https://bit.ly/2RXwJce)。不過,林 ...


林峯最近真係人逢喜事精神爽,同27歲內地女模張馨月感情穩定,早前被影到拍拖行玩具店(相關新聞﹕ https://bit.ly/2RXwJce )。不過,林峯都唔係重色輕友嗰種人,噚日又約埋13期訓練班一班老友聚舊,林峯仲大手筆送出每人一個金牌,真係要多謝「峯哥」!



李忠希今日喺Ig貼上大合照,楊怡、徐榮、張美妮、趙永洪等都有出席,李忠希話﹕「13期訓練班20周年紀念金牌,多謝林峯,開心的聚會,感恩情不變。」林峯話晒都係「廈門李嘉誠」林華國個仔,有指林爸爸坐擁20億地產王國,所以送金牌呢啲少事,對峯哥嚟講都係「濕濕碎」。一貫慣例,如果喺大台做足20年就會送金牌,但唔少人都已經離開TVB,所以林峯好有心思,特別訂製一個印有13期訓練班同學嘅大合照金牌,好值得珍藏同紀念。



懷有5個月嘅張美妮今日接受傳媒訪問時話﹕「阿峯好好呀,今年識咗20年,佢整咗金牌送畀我哋每一個,超好!因為我哋當中,只有我、徐榮同楊明係連續接到公司嘅20年金牌,但其餘個個都冇,上次聚會,阿峯就話不如自己做一個金牌送畀大家,去紀念呢個20年嘅friendship。」



問到幾耐聚舊一次?美妮話﹕「冇特定,邊個得閒,又好耐冇見就見一次。但都有啲原因嘅,好似上次係我哋剛踏入20年,今次阿峯好好,金牌做起咗,所以又約食飯聚吓舊。另外,都開心嘅,就係我有咗BB,有咗之後第一次見真人,個個都恭喜我,好開心。」美妮仲透露佢哋會講好多讀訓練班時嘅趣事,佢話﹕「由訓練班讀書開始,之後喺公司開工,講吓新嘢,又repeat講以前好多趣事,細路仔細路女乜都玩,所以每次見面都好開心。」



相關新聞﹕ https://bit.ly/2SY3P9c





精選娛聞,喺晒《娛果》 http://fb.com/appledailyent



林峯大手筆,送同期訓練班同學每人一個金牌。(Ig圖片) 張美妮懷有5個月身孕,大家都送上祝福。(Ig圖片) 張美妮懷有5個月身孕,大家都送上祝福。(Ig圖片)
李忠希話要多謝林峯。(Ig圖片)

李忠希話要多謝林峯。(Ig圖片)
(Ig圖片)

(Ig圖片)
除咗徐榮,大家都已經離開咗TVB。(Ig圖片)

除咗徐榮,大家都已經離開咗TVB。(Ig圖片)
(微博圖片)

(微博圖片)
(微博圖片)

(微博圖片)
林峯與張馨月感情穩定。(資料圖片)

林峯與張馨月感情穩定。(資料圖片)
張馨月(微博圖片)

張馨月(微博圖片)

鍾意就快D Share啦!