掃呢頁CODE去手機

2019年1月16日 星期三

【張達明26年前舊作變新戲】香港依然無變:人工無乜加 樓價升到癲 __,張達明,

張達明早年患癌暴瘦,就算現已痊癒,但化療期間金屬中毒,令佢手腳長期麻痺,連筷子都用唔掂。不過,無礙佢自編自導自演新戲《家和萬事驚》。雖然劇本已經係佢2 ...




張達明早年患癌暴瘦,就算現已痊癒,但化療期間金屬中毒,令佢手腳長期麻痺,連筷子都用唔掂。不過,無礙佢自編自導自演新戲《家和萬事驚》。雖然劇本已經係佢26年前創作嘅舞台劇,但估唔到今時今日仲適用,事關香港依然面對緊人工無乜加,樓價升到癲嘅問題。

對於舊作能夠拍成新戲,張達明最多謝吳鎮宇,係因為對方話劇本「得」,套戲先拍得成。除咗工作,鎮宇仲為佢嘅健康出咗好多力,例如帶達明睇醫生,介紹佢俾發哥識,等發哥迫佢去跑步強健返個身體。體魄好咗,張達明更有心有力返大陸上節目宣傳新戲添,雖稱不上中氣十足,但面色唔錯,神情都好精靈!至於一同北上宣傳嘅鎮宇同袁詠儀,節目期間不時互窒,鎮宇仲話影后級嘅靚靚知名度唔夠添,都幾抵死㗎。


鍾意就快D Share啦!