許家傑晒出劇組飯局照，話套劇1月1日收視破30點，犀利！
無綫處境劇《愛．回家之開心速遞》備受觀眾熱捧，係唔少家庭嘅「送飯之選」～「送水輝」許家傑呢日就甫出劇組飯局照，台前幕後勁多人，場面相當熱鬧！原來佢哋齊齊慶祝《愛·回家》收視破30點，許家傑發文表示：「#愛回家之開心速遞 新一年有個好開始！1月1日收視破30點！呢一年一定繼續開開心心🎉🎉🎉 #兄弟姊妹太多 #tag唔晒」佢都有喺限時動態上載一杯咖啡嘅相，杯上寫住「送水輝 大小姐」，連店員都有留意，足以證明佢哋人氣強勁呀。
而同劇演員「Terry」李偉健就上載一張劇照P圖並留言：「台前幕後嘅努力冇白費，多謝各位電視機嘅觀眾同網上嘅朋友，感謝大家支持開心速遞！😆👏👏👏#開心速遞#愛回家之開心速遞」網民紛紛留言為一眾主演打氣、叫佢哋繼續加油，亦有網民話晚晚都要追睇套劇，見班演員演得咁好，呢個好成績係佢哋應得嘅！
來源 source: http://hk.on.cc
|
鍾意就快D Share啦！
|
|
|