台灣名導鈕承澤（豆導）喺上個月被爆疑性侵劇組女工作人員後，陸續有唔少關於佢嘅黑歷史爆出，好似佢喺07年自導自演電影《情非得已之生存之道》時，有傳佢強迫女星柯奐如全裸同佢拍床戲，結果柯奐如喺社交網撰千字文自揭瘡疤，指鈕承澤喺事前冇溝通嘅情況下，要佢拍攝全裸床戲，嗰陣佢為咗畫面設想、身體唔希望留有痕迹，於是只係黐乳貼就上場，而鈕承澤亦只係戴咗避孕套，仲保證「不會放進去」，整場床戲拍了5小時，不過剪接後播出片段只係10秒。(新聞連結： https://bit.ly/2sfWOop )
柯奐如同鈕承澤呢場床戲嘅片段，今日喺網上瘋傳，睇番當日嘅片段，柯奐如同鈕承澤激情擁吻之後，柯奐如畀佢除咗件上身衫，得番件黑bra，鈕承澤就赤裸上身，尺度亦只係點到即止，好快就轉咗去另一個畫面，完全冇再見到柯奐如所提及嘅畫面，實在唔明白點解嗰陣用咗5小時拍攝，最後出街嘅只係得嗰10秒，難怪柯奐如喺千字文話：「若影片其實是可以以這樣的形式呈現，那當初真的有必要付出如此多來完成嗎…？那對我的心理來說，是二次傷害…。」
鈕承澤除咗被柯奐如指控之外，仲被爆當年執導電視劇《我在墾丁天氣晴》嘅時候，亦安排自己演張鈞甯嘅一夜情對手，仲親身示範錫對方條頸，張鈞甯都畀佢嚇咗一跳，跟住仲有傳喺拍電影《愛 Love》時，鈕承澤亦臨時加插一場同舒淇嘅床戲，不過舒淇以「冇必要」為由拒絕咗。
精選娛聞，喺晒《娛果》
http://fb.com/appledailyent
| (資料圖片(左)、網上圖片) | | |
|
鍾意就快D Share啦！
|
|
|
