網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月14日 星期一

曹永廉:網民封「冰封俠」 54歲曹永廉自爆不老秘密 __,曹永廉,

54歲嚟講,曹永廉算係保養得唔錯了。藝人曹永廉(阿廉)、唐文龍、楊卓娜、漢洋與譚嘉荃及星級化妝師WillOr,為旺角醫學美容新店開幕活動擔任剪綵嘉賓, ...


54歲嚟講,曹永廉算係保養得唔錯了。


藝人曹永廉(阿廉)、唐文龍、楊卓娜、漢洋與譚嘉荃及星級化妝師Will Or,為旺角醫學美容新店開幕活動擔任剪綵嘉賓,吸引大批市民圍觀,有份主演熱播劇《大帥哥》的阿廉大受歡迎,獲不少市民索合照,人氣爆燈!

鄭嘉穎皺晒皮

54歲的阿廉,不單止人氣勁,保養得宜的他近日獲網民封為「冰封俠」,問他美容心得,他笑言後生時沒有特別保養,純天然,但有感近年出現衰老迹象,故此多了關注儀容,多做保濕、敷面膜、Facial等,又會注重健康飲食少糖少鹽:「其實最重要係心態,開心,個樣就會後生。」問阿廉身邊朋友中,覺得邊位跟他一樣保養得宜?他笑言身邊個個朋友都保養得不好,更點名指鄭嘉穎、黃智賢、蕭正楠老得快,他說:「我身邊個個朋友都keep得唔好,你問我身邊邊個朋友老得好快呢?一定係最老友嗰幾個,大家都知道嘉穎皺晒皮,黃智賢個樣睇落仲大過我,但其實佢年紀係細過我,仲有蕭正楠,有啲劇佢可以做我阿哥,佢真係要檢討下!所以喺我身邊嘅人老得快,唔代表我後生,希望佢哋注重下,尤其是嘉穎唔好咁勞碌。」

彈蕭正楠孤寒

提到《大帥哥》收視高口碑好,阿廉亦聽到不少同事大讚劇集好睇,令他感到很高興。農曆新年將至,阿廉表示將陪伴家人四出拜年,問會否叫已宣布婚訊的蕭正楠封大利是給他?阿廉笑說:「今年佢揚晒,都幾大鑊!不過佢好孤寒!唔會封畀我,叫佢封畀我啲小朋友,我啲仔女曾經當佢係偶像,雖然佢依家結咗婚,我個女對佢冇晒興趣,但都希望佢會封番封大利是畀佢哋。」

唐文龍擇偶要求高

同樣樣貌身形「十年如一日」的唐文龍自言是貪靚一族,所以對保養非常講究,講到踏入2019年,會否希望宣布「封盤」?他說:「女友都冇,何來『封盤』?爸爸催過我,催到近年都放棄。」問他是否要求高?唐文龍直認不諱:「最緊要同我夾得埋,對我阿爸阿媽好,皮膚白、唔好太瘦,至於識唔識講廣東話丶普通話、英文已經唔重要。」

另外,楊卓娜透露妹妹楊怡較她貪靚,問她會否傳授生仔秘方給楊怡,卓娜即表示:「生小朋友係講緣分,佢有自己計劃,知道媽咪有幫佢調理身體,佢自己都有食中藥調理。」


來源 source: http://hk.on.cc
鍾意就快D Share啦!