掃呢頁CODE去手機

2019年1月8日 星期二

【係時候享福】三代同堂賀67歲牛一 洪金寶「幸福爺爺」樣出晒嚟 __,洪金寶,

後排左起:洪天明、洪竟琋、洪天祥、洪大仁、洪煦榆、周家蔚 前排:高麗虹、洪金寶(IG圖片)
67歲嘅武打巨星洪金寶一生為香港電影貢獻,前排仲好好火同記者感歎曾經以武打片風靡全球嘅香港,已經冇晒武打明星,新一代已經冇個打得,武打片亦買少見少。心 ...


67歲嘅武打巨星洪金寶一生為香港電影貢獻,前排仲好好火同記者感歎曾經以武打片風靡全球嘅香港,已經冇晒武打明星,新一代已經冇個打得,武打片亦買少見少。心痛香港影壇嘅大哥大早前透露,有意搵番昔日老友合作拍港產片。不過講電影講武打講到好興起嘅洪金寶,一提到孫仔即刻變晒,仲話會叫啲孫學武打,但係自己就唔會教,因為怕自己太惡嚇到啲孫唔肯見面咁話。(新聞連結: http://bit.ly/2TE7WaB )



啱啱過去嘅星期一(1月7日)係洪金寶正日生日,今日大仔洪天明喺IG貼出一張幫老竇賀壽嘅全家福並寫道:「生日快樂爸爸」,上面除咗壽星爺爺洪金寶之外,仲有嫲嫲高麗虹、爸爸洪天明、媽媽周家蔚、叔叔洪天祥、姑姐洪煦榆、哥哥洪大仁同細佬洪竟琋,一家八口三代同堂,羨煞旁人。



67歲嘅洪金寶出名身手靈活,加上外表威武霸氣,近年喺影壇都仲好活躍,無論幕前幕後,洪金寶都為電影貢獻所學,人到中年嘅洪金寶亦開始養生,上年十月為《如珠如寶》開工時,身型明顯消瘦,佢就話係老婆迫佢減肥:「佢話肥呀、唔健康呀,減食呢啲嗰啲,總之唔准食任何澱粉質嘅嘢。」



精選娛聞,喺晒《娛果》

http://fb.com/appledailyent



上年十月拍《如珠如寶》時洪金寶明顯消瘦咗(資料圖片) 上年十月拍《如珠如寶》時洪金寶明顯消瘦咗(資料圖片)
2016年洪金寶接受《蘋果》訪問時仲未減磅(資料圖片)

2016年洪金寶接受《蘋果》訪問時仲未減磅(資料圖片)
早前洪金寶感歎香港已經冇武打明星(資料圖片)

早前洪金寶感歎香港已經冇武打明星(資料圖片)

鍾意就快D Share啦!