掃呢頁CODE去手機

2019年1月30日 星期三

【每日洗肚四次】患嚴重腎衰竭剩一成功能 79歲吳耀漢:唔會即刻瓜老襯 __,吳耀漢,

(攝影:葉君海)
洪金寶、恬妞、林敏驄、莊端兒及吳耀漢等,昨晚在九龍塘出席電影《如珠如寶》首映禮,79歲吳耀漢和太太跟兒子吳嘉龍和其女友一起現身,吳耀漢透露因為腎衰竭, ...


洪金寶、恬妞、林敏驄、莊端兒及吳耀漢等,昨晚在九龍塘出席電影《如珠如寶》首映禮,79歲吳耀漢和太太跟兒子吳嘉龍和其女友一起現身,吳耀漢透露因為腎衰竭,兩星期前入院做手術洗肚(腹膜透析)清走毒素,現在肚內插有喉管,兩星期後要每日洗肚四次,每次洗一個鐘,暫時全面休息,預計兩星期後可以復工。



吳耀漢今日接受《蘋果》電話訪問,講到腎病由來,他說:「係呀,我哋嘅(拍戲)生涯咁多年食飯盒、即食麵、快餐,唔多唔少啦,有好大影響囉。」他透露早3、4年開始做身體檢查時,發現肝酵素等指數升高,到去年證實腎功能只餘二成,要開始洗肚。吳耀漢說:「啱啱聽到呢個消息,第一個反應就真係:『嘩!死火嘞,咁嚴重』,屋企人都幾驚。醫生解釋話好多人都有呢個病,我話好多人有,唔代表唔驚,只不過係好多人一齊驚啫。當然佢解釋完係好啲,知道唔會即刻瓜老襯。」雖然每日要洗肚頗折磨人,但不會因此放棄拍戲:「如果可以配合到啲時間,我最多同你一套戲做8個鐘,一樣可以做到嘢。我唔會因為呢個問題而冇咗興趣去拍戲,事實上拍戲係我人生樂趣,好在仲有樂趣。」



吳耀漢透露昨日才剛拆線,暫時會到醫院洗肚,待過年後才會自己在家洗,他說:「醫生話諗都唔使諗換腎,年紀太大。身體係虛弱咗,要更加小心,最緊要唔好畀佢有細菌感染,原來好容易腹膜炎。」至於另一種俗稱洗血(又稱血液透析)方法,吳耀漢指目前無論政府醫院或者是私立醫院,都已經爆滿:「有錢都未必有人同你洗,原來問題係嚴重到咁,香港好多人有腎病。多到連啲醫院都應付唔切,book咗時間千祈唔好去唔到,去唔到就搵唔番第二個時間,而且費用好犀利,幾千蚊洗一次,一個禮拜兩次。」



此外,吳耀漢昨晚出席活動,直言身體狀況有些虛弱:「要習慣肚裏面有條膠喉,郁嚟郁去嘅感覺,兩星期後要每日洗肚四次,每次洗一個鐘,噚日去咗醫院拆線。」



兒子吳嘉龍則很擔心爸爸:「最緊要佢舒服,整個家庭都好關心佢,全部人都會睇住佢。」吳耀漢坦言:「我而家兩個腎得番十分之一功能。」問到會否考慮換腎醫治?他說:「年紀太大,呢個方法最容易同安全,都冇乜選擇,我年紀移植要好健康身體先可以,唔適宜咁做。」他謂完全復健後可以繼續開工拍戲,吳嘉龍即笑說:「咁人工要多啲。」吳耀漢又表示:「時間唔可以太長,醫生話六至七個鐘就要停,我都要洗肚,之後先可以再做嘢。」



精選娛聞,喺晒《娛果》

http://fb.com/appledailyent



每晚送5萬!

星期一至五晚上10點半《動腦Q》Let's Q the money!

http://bit.ly/2QW8LcI



(攝影:葉君海) 電影《如珠如寶》一班演員,昨晚出席首映禮 電影《如珠如寶》一班演員,昨晚出席首映禮
患有腎衰竭的吳耀漢表示,兩星期後便要一日洗四次肚。

患有腎衰竭的吳耀漢表示,兩星期後便要一日洗四次肚。
兒子吳嘉龍擔心爸爸身體。

兒子吳嘉龍擔心爸爸身體。

鍾意就快D Share啦!