網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月19日 星期六

羅仲謙:氹楊怡生豬B!羅仲謙重賞六位數名牌手袋 __,楊怡,羅仲謙,

謙仔咁大手筆,都係希望氹吓老婆開心,人開心,生B都順暢啲!藝人羅仲謙與楊怡結婚兩年多,不時開口恨有喜。早前完成舞台劇演出後,阿怡「放長假」專心調理身體 ...


謙仔咁大手筆,都係希望氹吓老婆開心,人開心,生B都順暢啲!


藝人羅仲謙與楊怡結婚兩年多,不時開口恨有喜。早前完成舞台劇演出後,阿怡「放長假」專心調理身體等做媽咪。儘管兩口子不時因工作分隔兩地,不過感情有增無減,近期放聲氣正落力追B。雖然暫時未有好消息,但「愛妻號」謙仔趁農曆新年將至,出冧招氹太太!

老婆遙距揀心頭好

日前,一身Smart casual打扮的阿謙被發現現身尖沙咀,先相約一名男性友人在對正維港的餐廳午膳,兩支公邊食邊望海聊天,阿謙似乎心情不錯,全程笑唔停,約個多小時後埋單離開「趕下場」。

兩人離開餐廳後步行往廣東道一帶,他們走進其中一間名店,「瞄準」放在當眼處、新到春裝及手袋款,謙仔左挑右選並頻頻問店員,期間不時玩電話,相信是向太太攞意見。之後他轉場到附近另一間店舖,逗留一會但未有斬獲,隨即與友人折返之前的名店,最終扑槌花六位數買了新款手袋。拿着戰利品的謙仔離開時剛巧碰上熟人,他禮貌停步打招呼及閒聊幾句,期間被途人認出行注目禮,即報以微笑。

未知是否Shopping癮起,買了手袋的謙仔未收手,之後再走入附近商場繼續逛名店。入店後,他第一時間向店員展示手機查問,然後走向女裝鞋櫃指點,並拿起其中一款鞋研究一番,店員則在旁用電腦Check貨,但似乎因尺碼或顏色問題,他最終未有買到心頭好,並與友人步向中港碼頭方向離開。

操肌隨時慰妻

據悉,謙仔近日拍竣經理人公司投資的電影後,目前休息待下月開拍新網劇。這段時間除了繼續忙於操肌外,他亦爭取機會過二人世界,曾表示即使要開工,亦希望盡可能留港工作方便慰妻。至於阿怡近期工作以出席活動為主,謝絕一切操勞工作,努力靜待「豬B」。早前受訪時談到有傳太太有喜,阿謙即興奮表示:「如果真係有B嘅話,我諗我會忍唔住,第一時間公告天下,大家唔使擔心!」兩夫妻恨B恨到出口,好消息指日可待!


來源 source: http://hk.on.cc
鍾意就快D Share啦!