掃呢頁CODE去手機

2019年1月16日 星期三

【爆相爆片】鄭嘉穎又帶陳凱琳坐廉航 去芽莊Babymoon __,Angelababy,Baby,爆相爆片,鄭嘉穎,陳凱琳,

 (讀者提供圖片/Ig圖片)
陳凱琳(Grace)為老公鄭嘉穎陀住「慈枯椗」,二人世界好快就會變三人行,鄭嘉穎由拍拖到結婚,佢都錫到Grace燶。佢哋去年11月時宣佈有喜,有傳預產 ...


陳凱琳(Grace)為老公鄭嘉穎陀住「慈枯椗」,二人世界好快就會變三人行,鄭嘉穎由拍拖到結婚,佢都錫到Grace燶。佢哋去年11月時宣佈有喜,有傳預產期係今年3月,照咁推算,Grace至今懷孕約6個月,不過佢身形偏瘦。如果Grace再遲啲就上唔到飛機,所以鄭嘉穎日前趁有空檔,就帶老婆去越南芽莊享受Babymoon,有讀者Man姐日前透過《蘋果》「爆相爆片」,野生捕獲鄭嘉穎兩公婆出發同回程。



Man姐日前接受《蘋果》訪問時話:「我同佢哋一樣1月6號出發,一齊坐廉航去芽莊,又坐同一班機喺10號返嚟,鄭嘉穎戴住帽,陳凱琳化淡妝,全程見鄭嘉穎都拖實老婆,兩人邊行邊傾偈,陳凱琳雖然有咗BB,但身形仲係好瘦吓,後邊真係睇唔出佢陀B。去程上機,佢哋揀咗前排座位,好多乘客入機艙經過實見到佢哋,回程咁啱又坐同一班機,佢哋竟然着番同一件衫。」相中睇到鄭嘉穎同老婆Grace一齊孭住背囊,但鄭嘉穎背囊插咗網球拍,睇嚟佢真係好熱愛打網球,連去旅行都不忘帶定私家拍,老婆大肚唔可以陪打,唔知鄭嘉穎喺芽莊搵邊個做對手呢?



講番佢哋呢次去芽莊嘅五日四夜行程,坐廉航係直飛最方便,如果坐其他航空公司就要轉機,由快變慢。不過Grace同鄭嘉穎都係廉航常客,Grace前年做乖乖女陪父母同細佬去日本大阪、京都旅行,負責畀酒店同機票錢嘅Grace都係揀坐廉航(新聞連結: https://bit.ly/2yAmbmu )。鄭嘉穎同Grace舊年婚前飛布吉預支蜜月,佢哋又係坐廉航(新聞連結: https://bit.ly/2M9V3lg )。



【編輯推介】



【性感靚媽】陳凱琳獲老公煲湯補身 香香進化勇敢殺「小強」

https://bit.ly/2Mg23hi



【面膜含類固醇】莊思敏已停用一個月 羅霖:以後拍護膚廣告會更小心

https://bit.ly/2RwPDY4



【可以打電話教煮餸?】自信廚藝喺霆鋒之下 張敬軒贏硬Kenny

https://bit.ly/2AXcxhd



【生日旅行】張繼聰晒仔女玩水相 網民問:搵次係Kay做主角得唔得

https://bit.ly/2DbNoko



【首爾歌謠大賞】連掃三獎 BTS奪大賞成大贏家

https://bit.ly/2HfQLdS



精選娛聞,喺晒《娛果》

http://fb.com/appledailyent



(讀者提供圖片/Ig圖片) 陳凱琳日前享受完Babymoon返港,下機後等行李。 (讀者提供圖片) 陳凱琳日前享受完Babymoon返港,下機後等行李。 (讀者提供圖片)
鄭嘉穎拖實大肚陳凱琳搭扶手電梯。  (讀者提供圖片)

鄭嘉穎拖實大肚陳凱琳搭扶手電梯。 (讀者提供圖片)
 拍拖到芽莊玩。 (讀者提供圖片)

拍拖到芽莊玩。 (讀者提供圖片)
 鄭嘉穎好錫老婆。 (Ig圖片)

鄭嘉穎好錫老婆。 (Ig圖片)

鍾意就快D Share啦!