熱爆娛樂: 【元旦BB】白雲31歲生日疑真空賣大包姊妹們︰索到我都色心起 _

2019年1月3日星期四

【元旦BB】白雲31歲生日疑真空賣大包姊妹們︰索到我都色心起 __,白雲,

人妻白雲(Snowy)原來係元旦BB，1月1日剛度過佢嘅31歲生日，一班好姊妹阮兒、張韋怡、尹詩沛、李君妍、代蓮曦丹美等噚日為白雲補祝生日。

生日派對嘅dress code係金黃色，壽星女白雲當然要盛裝赴會，穿上一條大deep V開叉晚裝裙，疑真空上陣，胸前兩塊布都遮擋唔晒白雲嘅35E巨胸，姊妹們影相時亦忍唔住「抽水」，扮咀嘴白雲嘅胸脯，張韋怡喺Ig留言︰「至索snowybai，女神Happy Birthday.希望我們永遠青春漂亮迷人，你真係索到我都色心起呀！」

白雲亦有喺Ig story分享喜悅，留言︰「Thank you all my girls.So much love here.」佢仲爆姊妹同佢一樣咁貪靚，影相前全世界都要補妝，齊齊為最美一夜留倩影。白雲喺2016年與前港男、哈佛大學建築系畢業生江俊霖（Kelvin）結婚，婚後未有息影，難得老公唔介意老婆喺鏡頭前騷身材，最緊要係老婆開心！

問到生日願望？白雲今日接受傳媒訪問時話﹕「希望身體健康，同可以考自由潛水教練牌，即係唔用氧氣筒嘅潛水。」有冇考慮幾時生BB？佢話﹕「好多Job呀，最近都開緊劇，早前都返咗大陸登台同出活動賺錢。」

精選娛聞，喺晒《娛果》 http://fb.com/appledailyent

白雲係元旦出世，噚日同一班姊妹補祝生日，穿上超性感晚裝。(Ig圖片)	與阮兒扮鐵達尼號。(Ig圖片)	 姊妹都忍唔住「抽水」。(Ig圖片)
 白雲疑似真空(Ig圖片)	 (Ig圖片)	 賣大包(Ig圖片)
 dress code係金黃色 (Ig圖片)	 開完party，白雲都換番件普通衫離開。(Ig圖片)	 白雲喺2016年與江俊霖結婚。(資料圖片)