掃呢頁CODE去手機

2019年1月14日 星期一

利嘉兒:寸伴娘利嘉兒幼稚 蔡一鳳:唔夾難做朋友! __,利嘉兒,蔡一鳳,

姊妹情不再!名媛蔡一鳳將於周日舉行慈善晚宴,今日邀請了名模好友陳嘉容(Eunis)義助培訓小模特兒為當晚表演時裝騷。談到被爆與昔日好姊妹利嘉兒(Lil ...


姊妹情不再!


名媛蔡一鳳將於周日舉行慈善晚宴,今日邀請了名模好友陳嘉容(Eunis)義助培訓小模特兒為當晚表演時裝騷。談到被爆與昔日好姊妹利嘉兒(Lily)關係決裂,她直言當初不想回應報道:「本身好怕是非,有朋友send報道畀我,知道佢講咗啲嘢,為咗唔想搞到咁肉酸,就回應吓。」她指與對方相識是雙方老公介紹:「話佢啱啱好番(指Lily曾患情緒病),想我幫手介紹少少朋友畀佢認識,有event都有叫埋佢出席。不過我比較慢熱,好難交心,如果交心就係好friend。」

講到結婚時找Lily擔任伴娘,蔡一鳳解釋:「我喺外國讀書,幾乎全部朋友係外國人,唔識講中文,老公係半個電視圈嘅人,為咗方便照顧賓客同傳媒,所以搵港澳朋友做兄弟姊妹。而Lily同Bong(Lily老公)好熱心向我老公推薦想幫手,所以唔應該拒絕人。」她強調二人不是很熟稔。問到傳聞是否屬實?她說:「我覺得係一啲好小嘅事。(唔再係朋友?)大家處事方式唔同,一件咁relax嘅事搞到咁肉酸,唔係咁夾,幾難做朋友!始終我做生意,啲朋友比較成熟。(即係話佢幼稚?)處理方法,其實佢搵我傾係OK嘅,不過大家忙冇見面,有時啲嘢唔需要攞出來講。」她解釋二人少見面,因此疏遠了,但並非不和,續說:「有人問我會唔會請Lily(百日宴及慈善晚宴),我係冇請嘅,亦聽到佢回應話『時間點解咁啱』,我聽得明個意思…我已經有三間公關公司幫手,唔需要用咁嘅手法宣傳。」

蔡一鳳又表示其龍鳳胎子女現時三個月大,因餵哺母乳,每隔三小時便要起床:「依家聰明咗,我泵定啲奶出嚟畀工人姐姐餵、換吓片,冇咁辛苦。(老公有冇幫手湊仔女?)淨係幫手玩,佢好開心,每朝早都同仔女玩完先至返工,唔捨得出街咁滯!做完嘢好早返屋企,個女好嗲佢,仲話不愧係前世情人!我都有一個,大家唔使爭。」

另外,同場的Eunis一向有開班教模特兒行騷及儀態,她表示首次教小朋友行騷。問到會否怕小朋友不聽教?Eunis笑言:「小朋友唔聽話就話畀家長知!」而蔡一鳳則指Eunis是嚴師,亦曾經教過她儀態禮儀:「從小糾正儀態係好,等小朋友大啲都想佢哋上堂。」此外,一向經營cashmere時裝生意的Eunis,表示新一年會與拍檔營運護膚品牌,投資至少六位數字。


來源 source: http://hk.on.cc
鍾意就快D Share啦!