掃呢頁CODE去手機

2019年1月17日 星期四

【做人別太羅鈞滿】偷食醉駕成負評王 羅鈞滿洗底開鋪做老細兼玩電競 __,羅鈞滿,

羅鈞滿自從2016年同大台解約後,已經好耐無喺大台出現過,有啲觀眾可能已經唔記得佢係邊個。當時佢可以話係大台數一數二嘅負皮王。2015年同主播張文采拍 ...




羅鈞滿自從2016年同大台解約後,已經好耐無喺大台出現過,有啲觀眾可能已經唔記得佢係邊個。當時佢可以話係大台數一數二嘅負皮王。2015年同主播張文采拍拖四年嘅佢被影到喺夜場偷嗒空姐,最後被張文采狠飛,仲被網民大鬧賤人。同年佢又被爆喺韓國飲醉酒周圍撩女,仲偷拍人裙底,點知搞中當地江湖大佬嘅女友,最後被當地警局扣留兩個月。撩女都不特止佢仲要衰埋醉駕。本來佢2013同2014年已經試過兩次違例駕駛,死性不改嘅佢2016年又醉駕,被判停牌兩年。

偷食、偷拍,醉駕負面新聞接踵而來,形象差啲到當時有句名言叫「做人別太羅鈞滿」大台都保佢唔住要掟佢入冷房,最後佢自己選擇同大台解約。離開大台後佢開咗糖水鋪做老細,仲組咗隊電競隊。洗底重新做人,呢日《壹》仔就撞到好耐無見嘅羅鈞滿,洗底工程進行得如火如荼,但《壹》仔睇到佢身邊班朋友…唔講以為自己睇緊《古惑仔》啊!雖然以貌取人係唔好,但佢班朋友仔全部都金毛紋晒身又擔住枝煙,真係好易令人諗錯隔離。一行四人打橫行,真係好「霸氣」啊!不過最估唔到嘅呢幾位「硬漢」竟然一齊走入商場睇護膚品,仲倒咗啲試上面,個落差又幾大喎。


鍾意就快D Share啦!