現年34歲嘅向佐，因為爸爸係向華強，一向都係媒體關注對象。而佢多年來嘅感情生活亦好精彩，包括同前組合2R成員Race（黃婉佩）分手後，被爆同時在香港及內地，有模特兒女友CoCo及西安演員王秋紫，王秋紫更向傳媒表示懷有向佐骨肉。不過，呢啲已經係幾年前嘅事喇，最新鮮滾熱辣係佢同台灣女藝人兼模特兒郭碧婷拍拖。
日前有網友喺社交網，上載一輯攝於台北當代藝術館嘅照片，見向佐同郭碧婷手拖手逛展覽，其後有傳媒聯絡上向佐公司代表，問關於二人拍拖一事，向佐透過工作人員回應：「你看到什麼就是什麼囉！」向佐默認戀情，網民普遍都認為二人好相襯，最重要係向太對於呢位「未來新袍」都讚不絕口。
郭碧婷前日剛度過35歲生日，向佐喺凌晨時份，即踏入女友生日不久，透過社交網為女友送上祝福，以行動證明郭碧婷喺佢心目中嘅地位有多重要。而郭碧婷雖然比向佐年長半歲，但長長頭髮嘅佢清秀可人，睇起嚟比實際年齡後生，而且形象向來唔錯，更被封為女神。
據悉向佐同郭碧婷於去年年初認識，兩人齊齊帶家長現身真人騷《最美的時光》，當日向佐帶向太一齊拍節目，郭碧婷就攜父親一齊拍攝，當時向太已經講過，覺得向佐同郭碧婷好襯，提到郭碧婷時更加笑得好開心，郭碧婷父親就喺節目中搞笑話，如果向佐要娶佢個女，就要買一間大房子畀佢養寵物，因為女兒好喜歡小動物。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|