網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月22日 星期二

恬妞回望半生:我覺得一生嘅罪已經受完 __,恬妞,

(攝影:郭賢興)
入行多年的恬妞近年主力在內地、台灣拍電影,對上一部港產片已經是七年前,近日恬妞重返香港拍攝港產片,來港多日,身為經理人的女兒朱宇豐全程貼身侍候。恬妞日 ...


入行多年的恬妞近年主力在內地、台灣拍電影,對上一部港產片已經是七年前,近日恬妞重返香港拍攝港產片,來港多日,身為經理人的女兒朱宇豐全程貼身侍候。恬妞日前接受《蘋果》專訪,提起女兒,她即甜到入心:「嘩!講得咁嚴重,服侍我,嚇死我咩!今次係好多謝佢,陪我兩個禮拜啫,不過佢都好忙,要不停用電話處理佢公司業務。」恬忸的女兒大學畢業後在餐飲業大展拳腳,更從事洋酒及雪茄生意,十分能幹。恬妞一臉自豪︰「我係苦盡甘來,囡囡係我唯一嘅驕傲。」



女兒是她的驕傲,相反,前夫萬梓良卻是恬妞人生的遺憾。恬妞曾有兩段婚姻,84年她嫁給印尼富豪葉聰豪,翌年誕下女兒朱曉彤,但新婚當晚發現原來丈夫有多個太太及子女,忍了兩年後,終於離婚收場。88年回港拍電影《大哥大》邂逅萬梓良(萬子),兩人92年結婚,可惜四年後因性格不合離婚。



恬妞語帶無奈說︰「我一生最失敗,就係可以令任何一個人歡樂,唯獨萬梓良唔得。佢唔浪漫,但份人好有心,將事業放第一位。當初我就係鍾意佢夠cool,佢同發哥拍嗰啲電影做壞人真係做得好好,我係佢影迷嚟。但我唔識同佢相處,有時返到屋企,唔想搵嘢同佢講,萬子更加靜,加上嗰幾年佢工作最煩惱,心情極低落,大家就溝通唔到。」



雖然夫妻緣盡,但恬妞與萬子再見亦是朋友。萬子10年曾公開向恬妞道歉,指離婚是他的錯。恬妞亦早已原諒他,對舊愛仍祝福︰「無論同邊個分開,如果有緣再見就係朋友,因為我好惜緣。就算惡緣,都要開開心心,呢世好好還番畀你,下一世唔再拖欠。你信唔信我成世冇鬧過人、冇嗌過交,都冇憎恨過人,亦因為有咁嘅造化,工作源源不絕。」



恬妞說當年萬子與女兒相處得好,加上女兒升讀小學,她不忍父親欄留空,怕她心理不平衡,所以再婚︰「其實我係錯,囡囡後來同我講佢唔需要,如果冇爸爸更好。佢同爸爸三十幾年都係打過一通電話,有個印尼朋友幫忙聯絡,嗰陣佢得十幾歲,佢哋用英文交談,佢話爸爸問佢生活好唔好,要乜禮物。咁佢就話想要一對波鞋,但到而家二十幾年,對波鞋都唔知去咗邊,可能佢太多骨肉,因為佢喺印尼有好多老婆,仔女都十幾個。」恬妞直言前夫多年來對女兒不聞不問,就像人間蒸發。



童星入行的恬妞,每天都是開工、拍戲,拍到26歲,覺得累到不行,於是她許下生日願望,只要有人求婚她就嫁。後來恬妞來港拍戲,在朋友飯局認識葉聰豪,對方每周從印尼飛港探班,狂追攻勢下,拍拖兩個月就閃婚。她憶述︰「呢個經歷太恐怖,佢好蠱惑,帶我去美國拉斯維加斯結婚。新婚當晚就話畀我聽佢有老婆,仲喺我面前打畀對方,你話做新娘乜心情。我覺得一生嘅罪已經喺印尼受完,佢會同我講『點解你咁快樂,我唔鍾意睇到你笑,我鍾意你喊!』好奇怪!」婚姻觸礁,但恬妞仍是活得快樂,她說每天學習對自己好一點。



因為父母離異,恬妞女兒從小就下意識保護母親,她從朱曉彤改名朱宇豐,是心路歷程的轉變,恬妞坦言對女兒的性向掙扎過,但母愛包容一切,之前女兒與《步步驚心》的女演員葉青傳緋聞,她就表示︰「點解要分男同女?她鍾意邊個我就鍾意邊個!」恬妞笑說女兒最近的口頭蟬是︰「你快啲嫁咗佢,搵男朋友啦。」恬妞覺得囡囡想她有人照顧:「但搵個年紀大嘅,要照顧佢,我寧願將時間花喺父母同囡囡身上,如果細過我,我又擔心個樣唔襯,佢喺出面拈花惹草,咁麻煩,我唔要!」



精選娛聞,喺晒《娛果》

http://fb.com/appledailyent




鍾意就快D Share啦!