掃呢頁CODE去手機

2019年1月23日 星期三

【唔坐第一行】孖貴婦團拉隊捧場 城城攬實大肚老婆勁風騷 __,城城,郭富城,

大肚方媛到澳門捧老公場(網上圖片)
天王郭富城日前到澳門舉行巡唱,大肚老婆方媛帶貴婦閨密團捧場,噚晚城嫂在社交網晒相,留言:「舞林密碼~繼續goodshow,遲來的照片。」城嫂不但大晒老 ...


天王郭富城日前到澳門舉行巡唱,大肚老婆方媛帶貴婦閨密團捧場,噚晚城嫂在社交網晒相,留言:「舞林密碼~繼續good show,遲來的照片。」城嫂不但大晒老公嘅舞台王者英姿,仲帶埋貴婦閨密團入後台探班,城城攬實老婆風騷舉手指公,懷孕5個月嘅方媛着咗鬆身衫,身材未見臃腫,手腳依然纖幼。



網民都留言讚:「型男索女」、「這時候就特別羨慕嫉妒妳有個這樣帥的老公,不過很開心偶像有妳,祝福一直幸福美滿!」而相中嘅貴婦閨蜜團,其中一位成員就係星皓影業老闆王海峰嘅弟婦余佳噥,城城經常拍攝星皓電影,所以兩人嘅太太都做咗閨密。



當晚方媛仲晒咗條短片,坐在觀眾席上向着鏡頭飛吻,位置距離舞台都有10幾行,原來天王嫂睇騷唔係坐第一行,而係揀選中間位置,唔知係想欣賞成個舞台,定係想低調啲唔畀觀眾發現呢!



城城上個禮拜五在澳門開騷,而開騷前一日,城嫂在微博晒自拍照,留言:「好久沒給自己自拍了,大大皮也是愛美噠。」網民留言讚:「大大皮中的大瘦子」城嫂回應:「已經46了」自揭懷孕5個月,體重46公斤,即係101.2磅,比好多冇大肚嘅女仔仲輕,簡直羨慕死人。



精選娛聞,喺晒《娛果》

http://fb.com/appledailyent



大肚方媛到澳門捧老公場(網上圖片) 城城攬實老婆合照(網上圖片) 城城攬實老婆合照(網上圖片)
方媛同貴婦閨密團拉隊捧場(網上圖片)

方媛同貴婦閨密團拉隊捧場(網上圖片)
城嫂坐十幾行睇騷(網上圖片)

城嫂坐十幾行睇騷(網上圖片)
城嫂在社交網晒老公舞台王者英姿(網上圖片)

城嫂在社交網晒老公舞台王者英姿(網上圖片)
城城上星期到澳門開騷(網上圖片)

城城上星期到澳門開騷(網上圖片)
睇晒成個舞台(網上圖片)

睇晒成個舞台(網上圖片)
氣氛好好(網上圖片)

氣氛好好(網上圖片)
城嫂話自己重46公斤(網上圖片)

城嫂話自己重46公斤(網上圖片)

鍾意就快D Share啦!