2019年1月27日 星期日

黃智雯落區遭圍攻要求集郵 統統來者不拒! __,黃智雯,

黃智雯
黃智雯落區遭圍攻要求集郵統統來者不拒!Mandy(黃智雯)慳家作風更十年如一日,日前收工就搵助手陪食麥記,唔介意迫入人堆搵位坐,之後再去有贊助的美容中 ...


黃智雯落區遭圍攻要求集郵 統統來者不拒!



Mandy(黃智雯)慳家作風更十年如一日,日前收工就搵助手陪食麥記, 唔介意迫入人堆搵位坐,之後再去有贊助的美容中心做美容,相當慳家。貼地視后落區更毫無架子,畀大班粉絲圍住集郵,統統來者不拒,咁識做真係抵佢受歡迎!

撰文:東方新地|圖片:東方新地、instagram、電視截圖





黃智雯給男友自由度

去年成為馬來西亞及新加坡雙料視后的黃智雯,唔單止有演技,還練得一身好舞功,早前更到韓國拍攝跳舞真人騷《 一個因去跳舞 》,以超齡姿態挑戰女團特訓生活,就算在當地拍攝凍到病倒兼中流感入院,打完針休息一日,第二日就繼續開工,耐力驚人!



返港後Mandy繼續馬不停蹄,趕拍新劇《 降魔的2.0 》又要為特備節目宣傳,工作排山倒海,但她卻非常享受。據知情者透露,Mandy同拍拖五年的圈外有米男友詹文天,已經有共識延遲婚期,大家會先在事業衝刺。



知情者指:「 其實 Mandy 係有過結婚衝動,仲有結婚計劃,但後尾男友工 作突然好忙,《 降魔的 》之後 Mandy 又劇接劇,公司畀好多機會佢,加上TVB花旦凋零,鍾嘉欣、香香都唔續約走咗,佢覺得呢個係自己搏殺嘅最好時機,唔想錯過發展機會,佢覺得結婚遲一步都唔係問題!」





Mandy同男友感情保鮮秘訣,是不用經常見面,她認為溝通重要過見面時間長短,要給對方足夠自由度,正因為男友已給她十足安全感,令她可放心為事業衝刺!



慳家食老麥

日前,黃智雯拍完劇收工,揸車載埋助手到上環,泊低車後兩人一 齊行去附近的麥記開餐,貼地視后更唔介意迫入人堆,坐喺街坊市民鄰枱食嘢!

同助手搵咗較隱蔽位置坐低,不過仍有食客對她眼望望,她就毫不介意同助手邊食邊傾!

日前黃智雯 揸車到上環林士街停車場泊低車,同助手去附近麥記開餐,非常慳家。


同助手邊食邊傾,食飽飽的她落到樓仲開心到笑唔停,似乎簡單一餐已令她相當滿足,之後由助手陪同,行去黃智賢開設的美容院做美容,保住最佳狀態!.

食飽後落到樓,黃智雯同助手仲傾 到笑唔停,看來心情相當之靚,之 後兩人步行去附近黃智賢開設的美 容院做美容。

在美容院逗留約兩小時,離開時仲 不停講電話,升呢視后果然變大忙人。


落區遭圍攻要求集郵

而另一日,她為節目《一個因去跳舞》做完記者會,步出酒店即遇到大班粉絲要求集郵,她亦來者不拒,同粉絲逐一合 照,之後有街坊認得她,大讚她演技好,她開心得同對方吹水一輪,才跟助手行去攞車離開!

黃智雯為節目《一個因去跳舞》做完記者會,離開酒店行去取車時,遇到大班粉絲要求集郵,只見她全程表現興奮,逐一滿足大家,相當親民!



捱11年跑出

07年參選港姐入行的黃智雯,翌年加入無綫藝訓班,捱足11 年由閒角做到女主角,12年一改斯文形象演出《缺宅男女》做巴辣人妻 關二嫂成功入屋,之後演出機會愈 來愈多,《 On Call 36小時》、《律政強人》都有不俗表現,去年再憑《三個女人一個因》人格分裂角色再下一 城,封星馬雙料視后。

花旦凋零,黃智雯已成近期TVB力 捧花旦,《降魔的 2.0》更成今年無綫重頭劇。


演藝學院戲劇同舞蹈系畢業的黃智雯,除咗演戲,亦鍾意跳舞,早前被安排到韓國拍跳舞真人騷,以超齡姿態參加女團特訓,跟她一 同受訓的學生年紀最細只得13歲,而她則以37歲虛齡成為高齡學生!

鍾意就快D Share啦!
Related Posts Plugin for WordPress, Blogger...