送狗迎豬，型男陳智燊（Jason）去年獲老婆宋熙年（Sarah）替他添了「狗B」Damon，二人世界多了囝囝，今年農曆新年，陳家將更溫馨又熱鬧。
Jason雖然在英國長大，但他表示家中以往過農曆新年，都會保持一定中國人的傳統習俗，他日前在尖沙嘴接受《蘋果》專訪時說：「以前住倫敦，媽咪喺農曆新年前，會叫我哋執屋同買新衫，我返到香港，有啲習慣或者唔記得，但執屋同買新底褲係一定記得。今年屋企仲有咗小朋友，一家人要做番啲中國過年習俗熱鬧吓，透過傳統習俗，拉近我同老婆同囝囝嘅距離。」
問到Jason有哪些習俗是必定會做？他衝口而出：「買新底褲啦，要紅色。」不過他們的囝囝Damon才五個月大，仍要穿尿片，Jason即自問自答：「尿片冇紅色，點搞？買件紅色和尚袍啦，加埋紅色帽、紅色襪仔，紅色鞋仔，乜都紅色。老婆Sarah啲底衫褲就自己買啦，我諗我哋會一家人出去買新衫。」Jason已構思把Damon打扮成「人肉利是封」出動拜年。一提囝囝，人父Jason又笑不攏嘴：「佢帶畀我哋嘅開心太正，帶畀我哋啲歡樂冇得頂。」為紀念一家三口，Jason日前選購了心意禮物贈妻兒，他以自己跟太太及囝囝的生肖，分別是蛇、牛和狗的黃金串珠串成一條生肖Charme給囝囝留念，除寓意三為一體，Jason還把Damon肖狗黃金串珠串在中間，包含父母左右守護兒子的愛意。
新年當然要有壓歲錢，Jason更挑了「肉桂狗黃金壓歲錢」給Damon，他邊放入利是封邊說：「以前爸爸有畀壓歲錢我哋，返到香港就冇，今年有咗囝囝，我要繼續返，佢封利是我就放呢個金幣。」這份禮物好窩心，Jason痛錫囝囝，但都不忘太太：「老婆都有，係唔可以仔有老婆冇㗎，Sarah屬牛，我買咗Sarah生肖嘅傳統剪紙圖案黃金吊墜畀佢，做老公就負責畀錢。」Jason婚後都有豪派利是，他謂往年至少用萬元準備封利是，今年都不例外，不排除加碼：「開工要派同事開工利是，今年點都唔少於萬元派利是，不過，今年我多咗囝囝墊底，會帶佢出去四圍拜年收利是，又可以賺番，我要同囝囝買定個大袋先，數目應該唔少。」有指派得多利是，收入也搵得多，Jason即說：「咁承你貴言。」
採訪：比華利
場地：台北‧寬巷子
飾物提供：周生生
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
