掃呢頁CODE去手機

2019年1月13日 星期日

吳若希:喪拍手興奮過主角!吳若希合照冇菊梓喬份 __,吳若希,菊梓喬,

嗯???尋晚舉行嘅《2018年勁歌金曲頒獎典禮》,最受熱議嘅相信就係入行兩年嘅歌手菊梓喬(Hana)成為「最受歡迎女歌星」橫掃六個大獎,兼撼贏奪得三獎 ...


嗯???


尋晚舉行嘅《2018年勁歌金曲頒獎典禮》,最受熱議嘅相信就係入行兩年嘅歌手菊梓喬(Hana)成為「最受歡迎女歌星」橫掃六個大獎,兼撼贏奪得三獎嘅師姐吳若希(Jinny),不禁令人再次想起兩女因爭做一姐而不和嘅傳聞!當中有一幕仲成為網民焦點,就係喺當公布Hana奪得「最受歡迎女歌星」時,坐喺佢隔籬嘅Jinny笑到見牙唔見眼仲拍晒手,相反Hana表現得好淡定,仲流露出尷尬表情,有網民就覺得Jinny此舉太誇張,但亦有人就撐佢係發自真心恭喜對方嘅!

不過花生仲未停,Jinny事後喺社交網上載相片,見到佢同譚嘉儀、胡鴻鈞、石詠莉、音樂人張家誠等人嘅合照,偏偏本來坐喺身旁嘅Hana冇影,Jinny仲留言話:「真心開心既(嘅)~~~」即引來大批網民留言:「菊梓喬呢?」、「不和呀不和呀~一姐同菊姐呢」、「星夢一姐攞女歌手獎,你係隔離(籬)笑到好似自己攞獎咁,就知你好開心啦」之後Jinny再上載多張大合照,Hana終於出現番喇!

而成為勁歌大贏家嘅Hana就獨自喺台上大晒冷,佢喺facebook留言話:「今次攞到「最受歡迎女歌星」是一個僥倖 獎是更加可以提醒到自己做得更好 一切只係時機+運氣」網民都留言恭喜佢!


來源 source: http://hk.on.cc
鍾意就快D Share啦!