網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月12日 星期六

洪永城:「唔係永遠有呢個機會忙!」 訴說人生從有到無時刻 __,洪永城,

洪永城
洪永城:「唔係永遠有呢個機會忙!」訴說人生從有到無時刻「馬炭」洪永城從不知愁滋味的玩樂少年,到父母經歷低潮無力供款從新西蘭急召回港自力更生,一一訴說人 ...


洪永城:「唔係永遠有呢個機會忙!」 訴說人生從有到無時刻



「 馬炭 」洪永城從不知愁滋味的玩樂少年,到父母經歷低潮無力供款從新西蘭急召回港自力更生,一一訴說人生從有到無時刻,並同時透露為何留不住上任女友及自己愛情觀,亦分享於前輩張衞健身上學到什麼!

撰文:東方新地|圖片:東方新地、微博





洪永城訴說人生從有到無時刻

人人都說在電視台裡浸過捱過,就能練就百般武藝。聽就聽得多,真正體會過,才知道箇中滋味。「最辛苦係18年 尾 , 要拍《黃金有罪》, 晚晚踩完廠再踩外景 , 拍完又要出去做《 大帥哥》宣傳。嗰種忙,係去到一個地步變得麻木,返屋企見到衫就著,見到嘢食就塞入口,扒兩啖 ……唔得喇,點都要瞓一個鐘,瞓醒又再出門口去開工。」



「攰起上嚟有時總會呻,但係心嗰句都係話畀自己知,係一種鍛錬,有得忙就應該欣然擁抱佢,做呢行真係唔係永遠有機會畀你忙。我最記得啱啱開始拍劇做男二,輸經驗,已經唔知四定五日冇瞓過覺,劇本就算睇完去到現場都真係唔記得幾多句、唔知拍到去邊,落到場畀導演喪鬧。」,回憶當年,現在已經可能已習慣一切。



「我知累到成廠人冇工收係我唔啱,我都會檢討自己,但老老實實,人類嚟㗎,真係好難。惟有一路畀人鬧一路學,點靠經驗搭救、點消化劇本又如何配合現場發揮跟 上大家節奏,捱得過,就係另外一片天空,就有嘢袋落袋,將來總有機會用得著。」,人都是需要歷練才能成長、有進步。

12年加入無綫開始拍劇以來邊做邊學,合作最多的陳展鵬雖然曾經謠傳不和,不過洪永城說這些年其實從陳展鵬身上學到最多。




「人哋會問我,有時自己都會問自己,冇得瞓冇得食,私人生活更加係癡心妄想,到底值唔值呢?呢度人人都係博一鋪,呢度永遠冇一個包你紅嘅完美formula,總之唔博就永遠唔會有。」,人生都是一場無間斷的賭博。



「你要知道,就算係王祖藍,佢第一個上內地節目嘅機會都唔係無情白事喺個天跌落嚟,你知唔知佢一晚要飲幾多酒?幾多晚去咗 陪老細應酬?我聽過,佢試過晚晚撐到番屋企門口就狂嘔,然後嘔 完就喺嘔吐物裡面瞓到第二朝,佢有今日,都係博番嚟。」,以他人為榜樣成為自己努力的動力。



洪永城小時候母親經商,家住中半山,小學讀名校聖類斯,不知愁滋味自然就不事生產無心向學,「我細個時成績差到呢,全班45個學生,名次就永遠都係四字頭嗰種。嗰陣時屋企環境唔錯,自然就算讀得差都未驚過,升中 學媽咪送咗我去新西蘭讀書,以為有個fresh start對我可能係一件好事」。



「屋企生意上上落落變差咗,17歲嗰年大屋搬細屋,錢都唔多夠供我升大學,急召咗我返嚟香港自力更 生。回想番,係殘酷嘅,但係我好感激呢段經歷,咁至係人生。如果冇起落,我覺得我可以見到自己往後日子,就係留喺新 西蘭,滋滋悠悠簡簡單單咁過世。諗落其實有啲驚,咁樣浪費人 生,我覺得最對唔住係自己。」,人生有起有落成為點醒自己的重要因素。



入行經過

返到香港第一份工係企喺太古城間佐丹奴分店賣衫,一個鐘 35蚊,一日可以有三百蚊落袋,不過總唔能夠做part time咁就一世。見到有線招聘日同朋友一齊報名,我仲記得面試嗰日朋友甩底,我爭啲都諗住算。」,人生好多步,都係誤打誤撞,意料之外。



「當年三百人應徵有線旅遊主持,最後入選九個人得我一個男仔,佢睇中我嘅就係份傻氣同親切感,原來呢樣嘢係我特質,原來有時個性比識跳舞唱歌更有value。」,其後12年轉投無綫,由主持到演戲,其實同當初入有線一樣,都係膽粗粗,因為一份冒險精神。

13年前初出茅廬第一張有線官 方宣傳照,當年能在三百人中 脫穎而出,多年以後余詠珊告 訴洪永城,全靠他初生之犢的 一股傻氣。



持旅遊節目讓洪永城這些年來走遍大半個世界,從而知道遊山玩水吃喝玩樂以外,世界每個角落值得探討應該改變的還有很多。

曾 經 在 旅 遊 節 目 全 裸 出 鏡,洪永城話心態沒變,只 要節目或劇集所需,所謂全 裸上陣,他沒有任何包袱!



為何留不住上任女友

「愛情唔同事業,35歲都唔細,我都求安穩,事業上有追求,但係感情上我都想定。」,總是不安於現狀,總想追求 下一個層次,嗰頭就想起好兄弟黃翠如嫁咗,同前度唐詩詠兩年情散咗,公認的最佳女朋友到他手上總是留不住總是悄悄溜走。

黃翠如再般配,卻一直不來電。剛過去的除夕,洪永城就帶著新女友和黃翠如以及新婚丈夫蕭正楠一齊倒數。

拍劇結緣,和公認最完美女友唐詩詠年多前卻宣布結束兩年情。總是讓好姻緣溜走,其實不見得就一定是男方的錯。


「上一個點解留唔住?我諗我總係唔夠細心,冇畀對方足夠安全感,另一半可能總會覺得隨時隨刻我就會拎住個行李走。我諗始終係需要嗰個對嘅人出現,無論好嘅同壞嘅,可以接受你所有。」,未知他真的遇到那位接受所有的女生未?



「我又唔心急,我仲係好享受當前。一段關係,我諗最好就係由共同喜好同興趣開始,兩個人一齊跑步,一 齊經歷沿途風景,對我嚟講,就係最美好嘅一件事。」,補充番,現任女友梁諾妍(Inez )除了是模特兒,還有一個身份,正是跑步教練。

現任女友梁諾妍(Inez)



於張衞健身上學到…

提起與張衞健一齊拍《大帥哥》,洪永城不禁大讚對方:「除咗大將之風同演繹處理令我口服心服,我都想學佢一樣 嘢,佢都活潑都跳跳紮嘅,但係佢永遠知道幾時要穩重,機會幾時嚟到就要𢲡實,呢個至係真男人!」。










鍾意就快D Share啦!


Related Posts Plugin for WordPress, Blogger...