2019年1月24日 星期四

騙徒社交網冒認鄭伊健身份呃人 「好在我啲粉絲醒目!」 __,鄭伊健,

鄭伊健
騙徒社交網冒認鄭伊健身份呃人「好在我啲粉絲醒目!」下個月24號,鄭伊健就會喺紅館開一連6場演唱會,正當大家都非常期待之際,竟然有人喺網上Faceboo ...


騙徒社交網冒認鄭伊健身份呃人 「好在我啲粉絲醒目!」



下個月24號,鄭伊健就會喺紅館開一連6場演唱會,正當大家都非常期待之際,竟然有人喺網上Facebook冒認鄭伊健!而呢位冒認鄭伊健嘅騙徒仲露出狐狸尾巴,想呃醒目網友!

撰文:東方新地|圖片:新傳媒圖片庫、Facebook





騙徒社交網冒認鄭伊健身份

話說,下個月24號就係鄭伊健喺紅館開演唱會嘅日子,相信唔少人都相當期待伊健嘅演出!不過,近日竟然有騙徒喺Facebook冒認鄭伊健,並主動向粉絲私訊!

一個名為「EkIn Cheng」的Facebook用戶冒認鄭伊健!

大家要認得呢個先係鄭伊健嘅官方帳號!


據了解,該名冒認者主動向粉絲私訊,一開口就話深深感謝粉絲對自己嘅喜愛同支持,而且仲開口埋口都話上帝保佑對方!



之後呢位冒認者講多兩講就開始露出狐狸尾巴,聲稱有事需要呢位粉絲幫忙拎一份好有價值嘅文件,更千叮萬囑對方要保密!

騙徒開始展示自己目的!



呢位騙徒一時話自己做緊「巡迴」、一時又話自己去「旅遊」,而身為一個醒目嘅粉絲就緊係馬上識穿對方,皆因粉絲都好清楚伊健依家係喺香港積極練歌、綵排,籌備下月演唱會!



事後,伊健經理人公司代表林珊珊立即向有關社交平台檢舉,並發出嚴正聲明,如下:



至於伊健都有回應事件,指自己嘅粉絲好醒目,仲笑言會打咁多字就知嗰個人唔會係佢本人!伊健仲特別提醒各位粉絲如有懷疑,就即刻通知其公司!同時,伊健更透露會更加努力練歌同排舞,演唱會時有驚喜俾大家!

鍾意就快D Share啦!
Related Posts Plugin for WordPress, Blogger...