掃呢頁CODE去手機

2019年1月7日 星期一

【同胡杏兒老公拍過拖】女神張曦雯獲殼王加持 對型男坦蕩拉bra帶 __,女神,張曦雯,殼王,胡杏兒,陳國強,

一套《跳躍生命線》,令大台新紮女神張曦雯再升格。佢打機又得,廚藝又得,仲要外型索爆好睇得!呢日行超市買餸準備下廚,真係好想知邊個男人有呢份福氣!女神行 ...




一套《跳躍生命線》,令大台新紮女神張曦雯再升格。佢打機又得,廚藝又得,仲要外型索爆好睇得!呢日行超市買餸準備下廚,真係好想知邊個男人有呢份福氣!

女神行超市,點會lonely!起初雖然一個人shopping,但無幾耐就有個高大型男會合佢。張曦雯手指指,叫型男去買嘢,對方就乖乖聽話,跟女神order做嘢。為口喝嘅張曦雯揀個靚椰青!

睇埋佢地買嘅份量,似乎準備返歸玩煮飯仔,撐枱腳喎!對住型男,張曦雯亦唔介意伸手入線衫裡面,拉返好條bra帶,夠晒坦蕩。

12年,張曦雯奪得華姐冠軍之後,身邊從不缺仔,之前同胡杏兒老公傳過緋聞,又跟GiGi姐個仔徐肇平拍過拖,仲有莊思華前度,練馬師告東尼兒子Sean都係緋聞男友之一。近年有指佢係大台花旦中,俾殼王欽點嘅新寵。劇集一套接一套,而第一套擔正嘅《跳躍生命線》更加贏收視同口碑。

做殼王愛將,咁身邊呢個圈外型男係乜水呢?其實係女神嘅有型細佬。雖然無家姐咁sharp嘅五官,但生得高大又健碩,都有當男神嘅條件,絕對唔輸蝕得過《跳躍生命線》班學堂仔喎!

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!