掃呢頁CODE去手機

2019年1月3日 星期四

馬國明:黃智雯爆C君係鹹濕鬼 馬國明揸的溝女 __,C君,馬國明,黃智雯,

馬國明與黃智雯預告在新一輯劇集中擦出愛火花。藝人馬國明與黃智雯出席新劇《降魔的2.0》(暫名)造型記者會,馬國明表示角色延續上一輯,因為還有很多情節未 ...


馬國明與黃智雯預告在新一輯劇集中擦出愛火花。


藝人馬國明與黃智雯出席新劇《降魔的2.0》(暫名)造型記者會,馬國明表示角色延續上一輯,因為還有很多情節未交代。問與智雯在劇中會否開花結果?他坦言:「上次就冇,今年應該會啩,不過今輯安排多咗個Zoie(譚凱琪)畀我,估唔到的士佬咁多靚女埋身,以後撈唔到演員就去揸的士車靚女。」

至於黃智雯稱今輯比之前不同:「上一輯比較沉重,今集會多咗喜劇感,因為我多咗個拍檔C君,佢有個癖好鍾意偷睇人哋裙㡳,係鹹濕鬼,而且我今輯會多咗超能力會幫馬國明降魔。」

睇車係娛樂節目

另外,提到馬國明昨日睇車,問是否想買新座駕?他笑言:「我成日睇車,唔換車都睇,經過就睇,係一個娛樂節目。(買車獎勵自己得獎?)我想買架大車畀屋企人,令佢哋坐得舒服啲,依家坐晒全家人有少少逼,不過我唔急住買,我係理智型消費者,覺得性價比高先會行動,我依家部車只係揸咗兩年,望吓先。」

望置業送畀家人

問雙料視后的黃智雯會如何獎勵自己?她謂不會買車,反而想做業主:「2019年畀個目標自己,我想買樓。(想買幾大?)唔使好大,上咗車先算,諗住用嚟投資。(買嚟結婚用?)結婚係獎勵?唔係唔關事,想買樓畀家人。(叫男友送畀你?)我鍾意財政獨立,自己鍾意嘅嘢自己買,咁會珍惜啲。」馬國明即跟黃智雯說男友畀錢是應份。問他是否會畀錢女友黃心穎?馬國明笑言:「我哋都係財政獨立,不過出街睇戲食飯都係男人畀錢多,咁好正常。」


來源 source: http://hk.on.cc
鍾意就快D Share啦!